3 წლის ბავშვი, რომელიც ბათუმის ბულვარში ბატუტზე ყოფნის დროს დაშავდა, სამკურნალოდ თურქეთში გადაიყვანეს. ამის შესახებ ინფორმაციას "ბათუმელები" ავრცელებს.

ექიმების თქმით, მისი მდგომარეობა სტაბილურად მძიმე იყო და მას შემდეგ, რაც ოჯახმა 9 წლის შვილი დაკრძალა, დაშავებული მეორე შვილი თურქეთში წაიყვანა სამკურნალოდ.

შეგახსენებთ, რომ 12 მარტს, ბათუმში, არდაგანის ტბასთან ქარმა ბატუტი დააზიანა. შემთხვევას 8 წლის ბავშვის სიცოცხლე ემსხვერპლა. მომხდარის გამო დაშავდა 3 წლის ბავშვიც. 

შინაგან საქმეთა სამინისტრომ გამოძიების ფარგლებში ერთი პირი - 1958 წელს დაბადებული ე.ა. დააკავა. საგამოძიებო მოქმედებების შედეგად დადგინდა, რომ ბრალდებული პასუხისმგებელი იყო ბულვარში განთავსებული აღნიშნული ე.წ. ბატუტის უსაფრთხოებასა და ექსპლუატაციის წესების დაცვაზე, თუმცა მან დაკისრებული ვალდებულებების შესრულება ვერ უზრუნველყო.

ავტორი: ექსპრესნიუსი,

სოციალური ქსელები

ყოფილ მაღალჩინოსანთან დაკავშირებულმა კომპანიამ ტენდერები უკონკურენტოდ მოიგო

საია: ვიწროვდება პოლიტიკური გაერთიანებისა და არჩევნებში მონაწილეობის შესაძლებლობები

ბერა ივანიშვილის ადვოკატმა "ფორმულას" და "ტვ პირველის" წინააღმდეგ სასამართლოში სარჩელი შეიტანა

არმიის გენერალი დენის პროკოპენკო - პეტროპავლოვსკა ბორშჩაგოვკაში მომხდარი მოვლენების ირგვლივ მიმდინარე საინფორმაციო კამპანია რუსეთის სასარგებლოდ მუშაობს