პაციენტის ენერგეტიკული ბალანსი ყოველდღიურად იმყოფება უარყოფით რეჟიმში, რაც იმას ნიშნავს, რომ პაციენტი იღებს მესამედ ან მეოთხედ კალორაჟს, რაც მას ესაჭიროება ორგანიზმის ნორმალური ფუნქციონირებისათვის, - ამის შესახებ კლინიკა "ვივამედის" ენდოკრინოლოგმა და ნუტრიციოლოგმა, სოფო მებუკემ მესამე პრეზიდენტის კვების შესახებ საუბრისას განაცხადა. 

როგორც ენდოკრინოლოგმა გამართულ ბრიფინგზე აღნიშნა, მიხეილ სააკაშვილი დღეში იღებს 300-400 კალორიას, მაშინ როდესაც მინიმუმ 1700 კალორიას უნდა იღებდეს. მისივე თქმით, მადის დაქვეითების ფენომენი განპირობებულია თავისუფლების იძულებით აღკვეთის მომენტით. 

"პაციენტის ენერგეტიკული ბალანსი ყოველდღიურად იმყოფება უარყოფით რეჟიმში, რაც იმას ნიშნავს, რომ პაციენტი იღებს მესამედ ან მეოთხედ კალორაჟს, რაც მას ესაჭიროება ორგანიზმის ნორმალური ფუნქციონირებისათვის და წონის შენარჩუნებისთვის. შესაბამისად, წონის კლების დინამიკა გვაქვს, რომელიც დღემდე გრძელდება. ბოლო დღეების დაანგარიშებით, სადღაც 300-400 კალორიაა მის მიერ მიღებული საკვებისა, უნდა იღებდეს მინიმუმ 1700 კალორიას მაინც. არსებობს გარკვეული ენდოკრინული პათოლოგიებიც, მაგალითად მადის დაქვეითება, თუმცა შესაბამისი კვლევებით დადასტურდა, რომ ეს არის პაციენტის სუბიექტური, ფსიქოემოციურ ფონზე განვითარებული მადის დაქვეითების ფენომენი, რომელიც, როგორც თავადაც აღნიშნავს, განპირობებულია თავისუფლების იძულებით აღკვეთის მომენტით. ჩვენ გვაქვს ფაქტობრივად ყოველდღიური დარწმუნების მცდელობა, რომ პაციენტი დაგვთანხმდეს იმ კვებაზე, რომელიც ამ ჩიხიდან გამოიყვანს",- ამბობს სოფო მებუკე. 

მესამე პრეზიდენტის მკურნალმა ექიმმა, თამარ დავარაშვილმა ასევე განაცხადა, რომ მიხეილ სააკაშვილმა ცილოვანი დანამატების მიღება დაიწყო, თუმცა მალევე შეწყვიტა. თან დაკავშირებით განაცხადა.

"ცილოვანი დანამატების მიღებაზე გვითხრა თანხმობა, მიიღო ორი დღე და მეც იმედი გამიჩნდა, რომ რა კარგია, თუ ასე გაგრძელდა, ჩვენ უკეთესს შედეგს მივიღებთ, მაგრამ მერე შეწყვიტა",- განაცხადა დავარაშვილმა ცოტა ხნის წინ გამართულ საგანგებო ბრიფინგზე.

ავტორი: ექსპრესნიუსი,

სოციალური ქსელები

მტკვრის მარცხენა სანაპიროზე, 3 თვით ერთ სამოძრაო ზოლში გადაადგილება შეიზღუდება

კალაძე: „რეპორტიორები საზღვრებს გარეთ“ იმ ოლიგარქიული, არაფორმალური ძალების ინსტრუმენტია, რომელიც თანამედროვე მსოფლიოსთვის პრობლემას წარმოადგენს

ბრიუსელში, ევროკომისია წარადგენს ,2026 წლის გაფართოების პაკეტს- პაკეტი მოიცავს გაფართოების შესახებ კომუნიკაციასა და ანგარიშებს

კახა კალაძე - რაც არ უნდა ცილისწამება, სიბინძურეები ააგოროთ და ეცადოთ, რა თქმა უნდა, ცხოველთა თავშესაფარს ვერ დააზიანებთ