საზოგადოება ითხოვს, რომ პატრიარქი შეწყალებაში ჩაერიოს და ფაქტობრივად, შეიწყალოს", - ამის შესახებ  ახალქალაქის, კარისა და კუმურდოს მიტროპოლიტმა, ნიკოლოზ ფაჩუაშვილმა მესამე პრეზიდენტთან დაკავშირებით განაცხადა.

როგორ მეუფე ნიკოლოზმა კლინიკა "ვივამედში" მიხეილ სააკაშვილის მონახულების შემდეგ, ჟურნალისტებთან საუბრისას თქვა, ეკლესია შეწყალების საკითხში ვერ ჩაერევა, რადგან "არ აქვს უფლება, გავლენა მოახდინოს".

"რამდენიმე წლის წინ პატრიარქმა ითხოვა შეწყალების უფლება. ითხოვა საზოგადოებისგან, ითხოვა მთავრობისგან, მაშინ პირველი ვადა იყო ირაკლი ღარიბაშვილის და იგი დათანხმდა. ამაზე იმხელა ამბავი ატეხა საზოგადოებამ და ახლა ზუსტად იმას ითხოვთ, რომ შეწყალებაში ჩაერიოს და ფაქტობრივად, შეიწყალოს. ჩვენ ვერ ვერევით ამ საკითხებში, არ გვაქვს უფლება, რომ გავლენა მოვახდინოთ. მე რომ დავდივარ ერთი ეპისკოპოსი ადამიანის, თუნდაც ასეთი მაღალჩინოსნის საზიარებლად და მისი სულიერი პრობლემების მოსაგვარებლად, ერთი მღვდელმთავარი სავსებით საკამარისია. ჩემი მკაფიო აზრია, რომ მან აუცილებლად უცხოეთში უნდა გაიაროს მკურნალობის კურსი. ეს არის ჩვენი სურვილი, ჩვენი მოთხოვნა, სხვა სახელმწიფო თუ იურიდიულ პროცესებში მეც კი ვერ ჩავერევი... ჩვენ ვცხოვრობთ სეკულარულ სახელმწიფოში და გაყოფილი არის ეკლესიისა და სახელმწიფოს ფუნქციები", - განაცხადა მეუფე ნიკოლოზმა.

ავტორი: ექსპრესნიუსი,

სოციალური ქსელები

გიორგი და დავით მიქაძეებს, ასევე გიორგი ჯოხაძეს ბიზნესმენ ლევან ჯანგველაძის შეკვეთით მკვლელობისთვის უვადო პატიმრობა მიესაჯათ

ანტისემიტური და ნაცისტური განცხადებების მიუხედავად, Kanye West საქართველოში ჩამოდის - მსოფლიოში კი მისი კონცერტები უქმდება

შსს: საბაჟოზე 103 კგ-მდე მეტამფეტამინი ამოიღეს, ღირებულება შავ ბაზარზე ₾30 მლნ-მდეა

რუსეთში ტურისტული სააგენტოების მასობრივი დახურვა დაიწყო