„თეგეტა მოტორსი“ სატვირთოებისა და მიკროავტობუსების ტექნიკურ მომსახურებაზე წლებია ზრუნავს. უახლეს, თანამედროვე სტანდარტებით აღჭურვილ ფილიალებში ნებისმიერი სერვისის მიღებაა შესაძლებელი. ამასთან ერთად, კომპანიამ ახალი სერვისი - მობილური ჯგუფების მომსახურება დანერგა.    

„თეგეტა მოტორსის“ მობილური ჯგუფების დახმარებით სატვირთოებისა და მიკროავტობუსის მფლობელებს შესაძლებლობა ეძლევათ, სერვისცენტრში მისვლის გარეშე, ადგილზე გამოძახებით მიიღონ კვალიფიციური და ხარისხიანი მომსახურება. ამ ყველაფერთან ერთად კი, ყველა იმ საგარანტიო პირობითად თუ შეთავაზებით ისარგებლონ, რისი მიღებაც სერვისცენტრში მისვლის შემთხვევაში იქნებოდა შესაძლებელი. 

მობილური ჯგუფების მომსახურება საგრძნობლად ამცირებს სატვირთო ავტომობილის შეკეთების დროს, ხარჯებსა და იმ შესაძლო დანაკარგებს, რაც გაფუჭებულმა, გაჩერებულმა ტრანსპორტმა შეიძლება გამოიწვიოს. 

„თეგეტა მოტორსის“ მობილური ჯგუფები ამ ეტაპზე მომხმარებელს აკუმულატორისა და საბურავის შეცვლის სერვისს სთავაზობენ. კომპანია უახლოეს პერიოდში სერვისების სპექტრის გაფართოებას გეგმავს.

მიხეილ ვაშაკიძე, „თეგეტა მოტორსის“ სატვირთო ავტომობილების მიმართულების ხელმძღვანელი: „სატვირთოებისა და მიკროავტობუსების სერვისი „თეგეტა მოტორსისთვის“ ერთ-ერთი პრიორიტეტული მიმართულებაა. გვსურს, მოვერგოთ ჩვენი პარტნიორებისა და მომხმარებლების საჭიროებებს და დავეხმაროთ მათ ბიზნესის უწყვეტობაში. სწორედ აქედან გამომდინარე გაჩნდა იდეა, შეგვექმნა მობილური ჯგუფები და სერვისები კიდევ უფრო ხელმისაწვდომი გაგვეხადა. სამომავლოდ ვგეგმავთ, რომ მობილური ჯგუფები სრულად აღვჭურვოთ ყველა საჭირო დანადგარით, რაც ადგილზე მომსახურებისთვის იქნება საჭირო. მომავალი წლის დასაწყისში ვფიქრობთ, დავამატოთ სავალი ნაწილისა და ელექტროდაზიანებების მიმართულება. ამ საკითხზე უკვე ვმუშაობთ და დაწყებული გვაქვს მობილური ჯგუფების ავტომობილების დაკომპლექტება საჭირო ინსტრუმენტებითა და დანადგარებით. მასშტაბურად ვგეგმავთ, რომ ეს ნიშა შევავსოთ და შევძლოთ, ყველა ის პრობლემა მოვაგვაროთ, რაც შეიძლება გადაადგილებისთვის ხელშემშლელი იყოს და სატვირთოებისა თუ მიკროავტობუსების გამართულ მუშაობას აფერხებდეს“. 

„თეგეტა მოტორსში“ ამ ეტაპზე მუდმივ მზადყოფნაშია 5 მობილური ჯგუფი, რომელთა გამოძახებაც თბილისში, გორში, ქუთაისში, ბათუმში და აღნიშნული ქალაქების შემოგარენშია შესაძლებელი. მობილური ჯგუფების გამოძახება თბილისის მასშტაბით სრულიად უფასოა.

მობილურ ჯგუფებთან ერთად, „თეგეტა მოტორსი“ კორპორაციულ და საცალო მომხმარებელს სატვირთო ავტომობილების მომსახურების სრულ ასორტიმენტს სთავაზობს, რაც მოიცავს დიაგნოსტირებასა და შეკეთებას სპეციალური, ავტორიზებული პროგრამების მეშვეობით. სატვირთო ავტომობილებზე გამოცდილი და კვალიფიციური მექანიკოსების გუნდი ზრუნავს, რომლის წევრებიც თანამედროვე სტანდარტების მიხედვით არიან სერტიფიცირებული.

„თეგეტა მოტორსის“ შესახებ: ავტოინდუსტრიის ლიდერი კომპანია „თეგეტა მოტორსი“ ქართულ ბაზარზე 1995 წლიდან საქმიანობს და მომხმარებელს ავტომომსახურების სრულ სპექტრს სთავაზობს, როგორც მსუბუქი და სატვირთო ავტომობილების, ისე ავტობუსებისა და მიკროავტობუსების, ასევე სპეციალური დანიშნულების ტექნიკის მიმართულებით. კომპანიას მთელი ქვეყნის მასშტაბით 29 ფილიალი აქვს, რომლებიც 400 000-ამდე საცალო და 35 000-ამდე კორპორაციულ მომხმარებელს ემსახურება. „თეგეტა მოტორსი“ 300-ამდე მსოფლიო ბრენდის წარმომადგენელია საქართველოში, მათ შორის არიან Bridgestone, Michelin, Varta, Shell, Motul, Hengst და სხვა.

ავტორი: R (რეკლამა),

სოციალური ქსელები

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის

ზურაბიშვილი: ევროკომისიას ვთხოვ, დიუშენის დისტროფიით დაავადებული ბავშვების მშობლებისთვის დახმარება გამოყოს

საგამოძიებო სიუჟეტის შემდეგ ჟურნალისტი გურამ როგავა გამოკითხვაზე დაიბარეს