მე დიდი იმედი მაქვს, რომ მიხეილ სააკაშვილს უცხოეთში გადაიყვანენ სამკურნალოდ, - ამის შესახებ ახალქალაქის, კარისა და კუმურდოს ეპარქიის მიტროპოლიტმა, ნიკოლოზ ფაჩუაშვილმა საქართველოს მესამე პრეზიდენტის კლინიკა "ვივამედში" მონახულების შემდეგ განაცხადა.

მეუფე ნიკოლოზის თქმით, სააკაშვილი, რომელიც დაახლოებით, ორი თვის წინ "ფეხზე იდგა", ახლა წევს.

"უფრო და უფრო სუსტად მეჩვენება. დაახლოებით, ორი თვის წინ, ჯერ კიდევ ფეხზე იდგა და ჩვეულებრივად მხვდებოდა ხოლმე. ახლა წევს. რაღაც კრიტერიუმებია ჩამოთვლილი და მართლა მძიმე უნდა იყოს პაციენტი, მაშინ ათავისუფლებენ. ეს უნდა აჩვენოს ანალიზებმა, გამოკვლევებმა.

სასულიერო პირი, რომელიც მასთან შემოდის და კონტაქტშია, მგონი მე ვარ. მე პატრიარქის ლოცვა-კურთხევითა ვარ აქ. ერთხელ მივიღე ეს შენიშვნა - ლოცვა-კურთხევა მაქვს ლაპარაკზე კი არა, ლოცვა-კურთხევა მაქვს მოქმედებებზე, ამიტომ ნაკლებად ვლაპარაკობ და ვცდილობ, რომ ჩუმად, უსიტყვოდ ვიმოქმედო. ჩემი მოქმედება არის მასთან კონტაქტი, მისი გამხნევება და ლოცვა მისი ჯანმრთელობისთვის", - განაცხადა მეუფე ნიკოლოზმა. 

შეგახსენებთ, რომ გუშინ, 28 ნოემბერს მიხეილ სააკაშვილის ადვოკატმა, შოთა თუთბერიძემ განაცხადა, რომ ექსპრეზიდენტი ე.წ. საზღვრის კვეთის საქმეზე სასამართლო პროცესს დაესწრებოდა, რადგან არ სურდა, რომ სხდომა ისევ მისი ჯანმრთელობის მდგომარეობის გამო გადადებულიყო. 

სხდომა 15:00 საათზე იყო ჩანიშნული, თუმცა კლინიკა "ვივამედმა" მესამე პრეზიდენტს სასამართლო პროცესზე დასწრების უფლება არ მისცა. ნინო ნადირაძის თქმით, მიხეილ სააკაშვილის ტრანსპორტირება ამ ეტაპზე გამართლებული არ იყო.

25 ნოემბერს, წამების მსხვერპლთა ფსიქოლოგიური რეაბილიტაციის ცენტრ "ემპათიას" დირექტორმა, მარიამ ჯიშკარიანმა გაავრცელა ინფორმაცია, რომ მესამე პრეზიდენტის თმის ღერში სამი მძიმე მეტალი აღმოაჩინეს. 

უფრო ადრე, 19 ნოემბერს, მიხეილ სააკაშვილის ადვოკატმა, ვალერი გელბახიანმა განაცხადა, რომ ექსპრეზიდენტი მოწამლულია, ვინაიდან "სხვაგვარად ასე არ განვითარდებოდა არც ერთი დაავადება".

ამასთან, საქართველოს პრეზიდენტმა 24 ნოემბერს განაცხადა, რომ "თუ სააკაშვილის ჯანმრთელობა არის დაზიანებული და ასეთი დასკვნა იქნება, სასამართლომ უნდა მიიღოს ღირსეული გადაწყვეტილება".

ავტორი: ექსპრესნიუსი,

სოციალური ქსელები

„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა

ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის