2020-11-09 21:15:19, 673 ნახვა
მსოფლიო
სომხეთის ტერიტორიაზე რუსეთის თავდაცვის უწყების ვერტმფრენი ჩამოაგდეს - დაღუპულია ეკიპაჟის ორი წევრი
სომხეთის ტერიტორიაზე რუსეთის თავდაცვის სამინისტროს კუთვნილი "მი-24" ტიპის სამხედრო ვერტმფრენი ჩამოაგდეს, - აღნიშნულ ინფორმაციას რუსეთის თავდაცვის სამინისტრო ავრცელებს.
ვერტმფრენი სომხეთის მთიან რეგიონში ჩამოვარდა, რის შედეგადაც, გარდაიცვალა ეკიპაჟის ორი წევრი, მესამე სამხედრო კი გადაყვანილია აეროდრომზე. მას მრავლობითი ტრავმები აღენიშნება.
რუსეთის თავდაცვის სამინისტროს ინფორმაციით, სომხეთის ტერიტორიაზე განთავსებული 102-ე სამხედრო ბაზის მეთაურები არკვევენ, თუ ვინ ჩამოაგდო სომხეთის ტერიტორიაზე აღნიშნული ვერტმფრენი.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
