ეროვნული ბანკი საფინანსო სექტორთან კომუნიკაციას ვიდეოკონფერენციის რეჟიმში განაგრძობს.

დღეს ეროვნული ბანკის პრეზიდენტი კობა გვენეტაძე მიკროსაფინანსო ორგანიზაციების წარმომადგენლებთან ერთად სექტორში არსებულ ვითარებას გაეცნო.

დღევანდელი ვიდეოკონფერენციის დროს საუბარი შეეხო ლიკვიდობის მართვის საკითხებს, მომსახურების დისტანციური არხების განვითარება/წახალისებას, ელექტრონული ხელმოწერის ფართოდ გამოყენებას, სხვადასხვა საზედამხედველო ღონისძიებებს, მათ შორის საკრედიტო რისკის შეფასების საკითხებს. 

"კორონავირუსის პანდემიის პირობებში მნიშვნელოვანია სწორად შევაფასოთ არსებული ვითარება. მსგავსი სამუშაო შეხვედრები, რომელიც მუდმივად იმართება ეროვნულ ბანკში ძირითადად სისტემის ეფექტიანობის გაზრდაზეა ორიენტირებული. ეროვნული ბანკი ითვალისწინებს მიკროსაფინანსო ორგანიზაციების როლს რეგიონების ბიზნესისა და მოსახლეობის ფინანსური სერვისების მიწოდების კუთხით. ამ მიზნით, ჩვენ მიკროსაფინანსო ორგანიზაციებს 200 მლნ აშშ დოლარის ფარგლებში ლარის ლიკვიდობას მივაწვდით, რაც გულისხმობს წვდომას ლარის რესურსთან და რაც შექმნილ კრიზისულ ვითარებაში ძალზედ მნიშვნელოვანია. ვფიქრობ, ეროვნული ბანკის ეს მხარდაჭერა მსესხებლებსაც მისცემს საშუალებას შეუმსუბუქდეთ სოციალურ-ეკონომიკური პრობლემები. გარდა ამისა, ჩვენ ვიქნებით მაქსიმალურად მოქნილები იმისათვის, რომ პანდემიის პერიოდში სექტორმა საქმიანობა გააგრძელოს და მსესხებლებს ფინანსურ რესურსებზე წვდომა არ შეუწყდეთ", - განაცხადა ეროვნული ბანკის პრეზიდენტმა კობა გვენეტაძემ.

სექტორის მხრიდან დადებითად შეფასდა, ლიკვიდობის მხარდაჭერის მიზნით, ეროვნულ ბანკის მიერ მიკროსაფინანსო ორგანიზაციებისთვის სვოპ ოპერაციებით ლარის ლიკვიდობის მიწოდება. ასევე, ხაზი გაესვა იმ გარემოებას, რომ მიკროსაფინანსო სექტორის ძირითადი ნაწილი არსებულ მდგომარეობას უფრო ლიკვიდური და მეტად კაპიტალიზებული შეხვდა, რაც რეგულირების კუთხით ბოლო წლებში განხორციელებული ცვლილებების შედეგია. რასაც თავის მხრივ, ახალი გამოწვევების გარდატეხაში ექნება მნიშვნელოვანი წილი.

შეგახსენებთ, რომ გასულ კვირას ეროვნული ბანკის პრეზიდენტი კომერციული ბანკების ხელმძღვანელებთან ერთად არსებული გამოწვევების პირობებში სექტორის გამართული მუშაობის შესახებ მსჯელობდა.

ავტორი: NS (სტატია დაფინანსებულია),

სოციალური ქსელები

მოსკოვსა და სანქტ-პეტერბურგში დრონის რეკორდული დარტყმის შემდეგ 400-ზე მეტი რეისი გაუქმდა

ეპისკოპოსი გიორგი - აზარტული თამაშები სასოწარკვეთილების, ვალებისა და ტრაგედიის წყაროდ იქცევა. ჩემი ღრმა შეშფოთებაა

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს