თბილისში, ევროპის მოედანზე განთავსებული „რიყის დოქები“ აუქციონზე გაიყიდება, – ამის შესახებ ეკონომიკისა და მდგრადი განვითარების მინისტრმა, ნათია თურნავამ განაცხადა.

თურნავას თქმით, აღნიშნული ობიექტი სამხარაულის სახელობის ექსპერტიზის ეროვნული ბიუროს მიერ შემოწმდა და მისი საწყისი ფასი, 95 მლნ-ით განისაზღვრა.

„ამ ობიექტს გარკვეული მომზადება დასჭირდა. თავს დროზე საკმაოდ ძვირი დაჯდა მისი მშენებლობა. სამწუხაროდ, დღემდე ამ ობიექტმა, მიუხედავად იმისა, რომ დიდი თანხები დაიხარჯა მის შექმნაში, ვერ იპოვა თავისი გამოყენება, ვერ იპოვა ფუნქციონალი, არადა ეს ობიექტი ძალიან თვალსაჩინო ადგილზე, თბილისის შუაგულშია განთავსებული, ტურისტებისთვის, ერთ-ერთ ყველაზე საინტერესო ადგილზე. აქედან გამომდინარე, სწორია, რომ შევეცადოთ სწორი გამჭვირვალე პრივატიზების გზით ბიზნესთან პარტნიორობაში ვიპოვოთ ამ ობიექტის სწორი გამოყენება, რომელიც ბიზნესისთვისაც სწორი და საინტერესო იქნება.ჩვენი ამოცანაა ბიზნესთან თანამშრომლობით ამ ობიექტს სწორი გამოყენება მოვუძებნოთ. სანამ არ გაიმართება აუქციონი გვიჭირს იმის თქმა, რამდენად ობიექტურია ეს ფასი, რამდენად რელევანტურია ბიზნესის დღევანდელი მოთხოვნების მიმართ. ეს გამოვლინდება აუქციონის დასრულების შემდეგ. იმედი გვაქვს, რომ გამოჩნდება დაინტერესებული ბიზნეს ჯგუფები“, - განაცხადა ნათია თურნავამ.

ცნობისთვის, „რიყის დოქების“ მშენებლობა 2012 წელს დასრულდა, მის მშენებლობაზე კი 75 მილიონი ლარი დაიხარჯა.

ავტორი: ექსპრესნიუსი,

სოციალური ქსელები

11-17 ნოემბერს საქართველოს ბანკი და LEAF-ი საერთაშორისო განათლების რეგიონულ ტურს 4 ქალაქში გამართავს

„თეგეტა“ და BTU სტრატეგიულ თანამშრომლობას იწყებენ - ბიზნესისა და ტექნოლოგიების უნივერსიტეტში მემორანდუმი გაფორმდა

გვარამიასა და მოსამართლე ნადარაიას შორის სიტყვიერი დაპირისპირება იყო

საკონსტიტუციომ მტკიცებულებების გამოკვლევაზე ოპოზიციის შუამდგომლობა ნაწილობრივ დააკმაყოფილა