საქართველოს ფინანსთა სამინისტრო განაგრძობს საგადასახადო კანონმდებლობის ევროკავშირის დამატებული ღირებულების გადასახადის დირექტივასთან დაახლოების მიზნით, საგადასახადო კოდექსში მომზადებული ცვლილებების შესახებ კანონის პროექტის სამუშაო ფორმატში განხილვას.

დღგ-ის რეფორმასთან დაკავშირებით კიდევ ერთი შეხვედრა ბიზნეს ასოციაციის ინიციატივით გაიმართა და მას ფინანსთა მინისტრის მოადგილე ლაშა ხუციშვილი, ფინანსთა სამინისტროს შემოსავლების სამსახურის უფროსის მოადგილე ზურაბ ძნელაშვილი და ფინანსთა სამინისტროს საგადასახადო და საბაჟო პოლიტიკის დეპარტამენტის უფროსი მამუკა ბარათაშვილი დაესწრნენ.

როგორც აღინიშნა, საუკეთესო საერთაშორისო პრაქტიკაზე დაფუძნებული დღგ-ის რეფორმა, გააუმჯობესებს საინვესტიციო გარემოს, შეამცირებს სადავო შემთხვევებს და გაამარტივებს საგადასახადო ვალდებულებების შესრულებას. შეხვედრაზე ასევე, ხაზი გაესვა კანონპროექტზე მუშაობის პროცესში ფინანსთა სამინისტროსა და ბიზნესის აქტიური ჩართულობის მნიშვნელობას.

შეხვედრა ინტერაქტიულ რეჟიმში წარიმართა. ფინანსთა სამინისტროს წარმომადგენლებმა უპასუხეს ბიზნეს ასოციაციის წარმომადგენელთა მიერ დასმულ შეკითხვებს.

საჯარო განხილვების შემდეგ კანონპროექტი განსახილველად საქართველოს პარლამენტს გადაეგზავნება.

ავტორი: NS (სტატია დაფინანსებულია),

სოციალური ქსელები

ინაშვილი ღარიბაშვილის წერილზე: პროკურატურამ მოკვლევა უნდა დაიწყოს დასმულ კითხვებზე

ხატია დეკანოიძე - არაერთი თვითმკვლელობა - ეს არის ფორმულირება ღარიბაშვილის წერილში და საკმაოდ საგანგაშო

გვარამია - ღარიბაშვილი წერილში თვითმკვლელობით შენიღბულ მკვლელობებში რომ ამხელს კობახიძეს და მდინარაძეს, უინტერესო და დასაიგნორირებელი ვერ იქნება

ზელენსკიმ დაადასტურა, რომ აშშ-მ უკრაინას მოსკოვსა და სანქტ-პეტერბურგზე დარტყმების შეწყვეტა სთხოვა