„ეს სპექტაკლი, რომელიც ბიძინა ივანიშვილის მიერ არის დადგმული, მიზნას ისახავს საზოგადოების შეცდომაში შეყვანას და ემსახურება გამოსავლის მოძებნას, თუ როგორ შეინარჩუნოს „ქართულმა ოცნებამ“ ძალაუფლება“, - ამის შესახებ საზოგადოებრივი მოძრაობა „ლელოს“ ლიდერმა მამუკა ხაზარაძემ საკონსტიტუციო ცვლილებებთან დაკავშირებით განაცხადა.

ხაზარაძე მოუწოდებს ხელისუფლებას, რომ სრული პასუხისმგებლობით მოეკიდოს ქვეყნის მომავალს და შეასრულოს დაპირება, რომელიც დიდი პროტესტის ფასად იქნება მოპოვებული.

 "20 ივნისის მოვლენების შემდეგ, საქართველოში ახალგაზრდებისა და საზოგადოების პროტესტის შედეგად ჩვენ მივიღეთ დაპირება საქართველოში საპარლამენტო არჩევნების პროპორციული სისტემით ჩატარების შესახებ. ბოლო 3 დღეა ჩვენ ვუყურებთ დადგმულ სპექტაკლს ამ საკითხის სხვადასხვანაირ ინტერპრეტაციასთან დაკავშირებით. ეს სპექტაკლი, რომელიც არის ბიძინა ივანიშვილის მიერ დადგმული და არის სრული ფარსი, მიზნად ისახავს საზოგადოების შეცდომაში შეყვანას და რაც მთავარია, ეს ყველაფერი ემსახურება ისევ და ისევ გამოსავლის მოძებნას, თუ როგორ შეინარჩუნოს „ქართულმა ოცნებამ“ ძალაუფლება. გვინდა მთელი პასუხისმგებლობით მოგიწოდოთ, რომ შეეშვათ ამ სპექტაკლის გაგრძელებას, რომელიც, როგორც ჩანს, მრავალსერიანია. მიიღეთ გადაწყვეტილება, რომელიც თქვენ მიეცით ქართულ საზოგადოებას, ნუ ეთამაშებით ცეცხლს, რამეთუ ყველაფერი ეს შეიძლება დამთავრდეს ძალიან ცუდად, პირველ რიგში, თქვენთვის და ჩვენი ქვეყნისთვის. ქვეყანაში შეიძლება შეჩერდეს დემოკრატიული პროცესების განვითარება და ჩვენ შეიძლება მივიღოთ სერიოზული ქაოსი არა მარტო პოლიტიკური, არამედ სხვა ქაოსიც. ამიტომ მოგიწოდებთ, კიდევ ერთხელ, მთელი პასუხისმგებლობით მოეკიდოთ ჩვენი ქვეყნის მომავალს, დემოკრატიულ განვითარებას და შეასრულოთ ის დაპირება, რომელიც იქნა მოპოვებული დიდი პროტესტის, ზარალის და ადამიანების ჯანმრთელობისა და მდგომარეობის ფასად",- განაცხადა "ლელოს" ლიდერმა.

ავტორი: ექსპრესნიუსი,

სოციალური ქსელები

ნიკა გვარამია მიიჩნევს, რომ პარტიები „ლელო - ძლიერი საქართველო“ და „გახარია საქართველოსთვის“ ოპოზიციურ ალიანსში უნდა მიიღონ

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ