„ყველანაირი რისკი, რომელიც არსებობს პროპორციულ საარჩევნო სისტემაზე გადასვლისთვის, აუცილებელია მოიხსნას“, - ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ განაცხადა.

როგორც მან აღნიშნა, ხვალინდელი უმრავლესობის შეხვედრა სწორედ ამ რისკების მოხსნას ემსახურება.

„როგორც კი რისკი გაჩნდა, რომ შეიძლება კანონპროექტი ჩავარდეს, ასეთი რისკი არ უნდა დავუშვათ. ხვალისთვის ჩვენ შევეცდებით მაქსიმალურად, რომ ეს რისკიც კი მოიხსნას. ჩვენ კიდევ ერთხელ შევეცდებით, რომ ყველა დეპუტატს, რომელსაც ჰქონდა აზრი, რომ ეს კანონპროექტი არის დამღუპველი ქვეყნისთვის და მაინცდამაინც ნაციონალურ მოძრაობაზე მორგებული, დავარწმუნოთ, ეს, ასე არ არის.  აქამდე დეპუტატების ამ რაოდენობას არ გამოუცხადებია ასე პრეტენზია  ღიად და საჯაროდ. რა თქმა უნდა, იყო რამდენიმე დეპუტატი, რომელსაც სულ ველაპარაკებოდით და ეს დუღილი რომ იყო, თქვენც იცით. დღეს ეს უფრო ხელისგულზე გამოჩნდა“,- განაცხადა მამუკა მდინარაძემ.

მდინარაძე გუშინდელი „ნაციონალური მოძრაობის“ მიერ გაკეთებულ პროვოკაციულ გამოსვლებსაც გამოეხმაურა და აღნინა, რომ ისინი პროპორციული სისტემის უალტერნატივობაში თავად უნდა დარწმუნდნენ.

„გუშინდელი „ნაციონალური მოძრაობის“  პროვოკაციული გამოსვლების ფონზე, დეპუტატების მეტმა რაოდენობამ ეს რაოდენობა გაზარდა. ეს არის რეალობა და ფაქტია, ჩემი გამოგონილი არ არის. მე და ჩემი წარმომადგენლები ვთხოვთ, რომ დავანებოთ თავი ამ არარეალურ რიტორიკას, დემაგოგიას და პროვოკაციებს თავი. არც პარტიის, არც გუნდის, არც პარტიის ხელმძღვანელის წინააღმდეგ არავინ მიდის. სწორედ ამიტომ ითხოვდნენ ისინი გადადებას. ჩვენ ვფიქრობთ, რომ ისინი თავად უნდა დარწმუნდნენ, რომ პროპორციული სისტემა არის უალტერნატივო“,- განაცხადა მდინარაძემ.

ავტორი: ექსპრესნიუსი,

სოციალური ქსელები

ნიკა გვარამია მიიჩნევს, რომ პარტიები „ლელო - ძლიერი საქართველო“ და „გახარია საქართველოსთვის“ ოპოზიციურ ალიანსში უნდა მიიღონ

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ