"ალბათ, მიზანშეწონილია, უმრავლესობაში ვიფიქროთ დავაინიციროთ პროექტი საგამოძიებო კომისიის შექმნაზე "ევროპული საქართველოს" რაციონალურობის შესწავლასთან დაკავშირებით," - ასე გამოეხმაურა იურიდიულ საკითხთა კომიტეტის თავჯდომარე ანრი ოხანაშვილი „ევროპული საქართველოს“ ინიციატივას, მსჯავრდებულთა შეწყალების საკითხზე საგამოძიებო კომისიის შექმნასთან დაკავშირებით.

მისი თქმით, „ევროპული საქართველო“ გასცდა სერიოულობის ფარგლებს და ცდილობს რაიმე ფორმით დღის წესრიგში იყოს.

„მგონია, რომ სერიოზული კომენტარის გაკეთებას ამასთან დაკავშირებით უკვე თავი უნდა დავანებოთ. მართლა ყოველგვარ ზღვარს სცდება და აღნიშნულს სერიოზულობით ვეღარ მოვეკიდებით. ალბათ ჩვენ შეგვიძლია ვიფიქროთ, დავაინიციროთ პროექტი ოპოზიიციის, ამ შემთხვევაში „ევროპული საქართველოს“ რაციონალურობის შესწავლასთან დაკავშირებით, რადგან ეს ხალხი მგონია, რომ პარლამენტში არ გრძნობს თავს, ეს ხალხი უკვე გასცდა სერიოზულობის, რაციონალურობის ფარგლებს და ერთადერთი, რითიც მანიპულირებენ, დღის წესრიგის შექმნაა, რომ რაიმე ფორმით დღის წესრიგში იყვნენ, მათთან დაკავშირებით ჩვენ შეკითხვები დაგვისვათ, შემდეგ გიპასუხოთ და ა.შ.“,- განაცხადა ანრი ოხანაშვილმა.

ამასთან, ოხანაშვილმა „ევროპული საქართველოს“ მორიგ მოთხოვნაზე, მეუფე იაკობის განცხადებაზე საგამოძიებო კომისიის შექმნასთან დაკავშირებით, აღნიშნა რომ მათ მიერ შეთავაზებული იდეები არარაციონალური.

„კანონშემოქმედებით საქმიანობაში, რაიმე რაციონალური იდეების შემოთავაზებაში ისინი არ არიან ჩართული, ერთადერთი, რაც აფიქრებთ, მათ ირგვლივ დღის წესრიგის შექმნაა. ხვდებიან, რომ მათ მიმართ საზოგადოების არანაირი პიზიტიური განწყობა არ არსებობს, ალბათ ნულს ქვემოთ რეიტინგი აქვთ“, – აღნიშნა ანრი ოხანაშვილმა.

მოამზადა ლანა მრავლაძემ

ავტორი: ექსპრესნიუსი,

სოციალური ქსელები

კრაკოვში 11 ნოემბრს გლოვის დღე გამოცხადდა, სროლის შედეგად 6 ადამიანი დაიღუპა 15 დაიჭრა

კრაკოვის ცენტრში სროლის შედეგად დაღუპულთა რიცხვი ხუთამდე გაიზარდა

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა