2019-11-03 14:11:29, 1476 ნახვა
პოლიტიკა
სალომე ზურაბიშვილი: პატრიარქის შეურაცხყოფა არის ერის, ჩვენი კულტურის და ტრადიციების შეურაცხყოფა
პატრიარქის შეურაცხყოფა არის ერის, ჩვენი კულტურისა და ტრადიციების შეურაცხყოფა - ამის შესახებ საქართველოს პრეზიდენტმა, სალომე ზურაბიშვილმა სამების საკათედრო ტაძრიდან გამოსვლისას ჟურნალისტებს განუცხადა.
მისი თქმით, დღეს საკვირაო წირვაზე პატრიარქისთვის თანადგომის გამოსახატად მივიდა.
"პატრიარქის შეურაცხყოფა არის ერის შეურაცხყოფა, ეს არის ჩვენი კულტურის და ტრადიციების შეურაცხყოფა. არის იმ ისტორიის შეურაცხყოფა, რომელზეც დგას საქართველო და საქართველოს დამოუკიდებლობა. ამიტომ, მე მოვედი დღეს ამ თანადგომით, რომელიც პრეზიდენტის მოვალეობა და ჩემი პერსონალური გამოხატულებაა", - განაცხადა სალომე ზურაბიშვილმა.
ავტორი: ექსპრესნიუსი,
epn.ge (@expressnews.ge)
