ამ წუთებში თბილისის საქალაქო სასამართლოში ,,თიბისი ბანკის" დამფუძნებლების, მამუკა ხაზარაძის და ბადრი ჯაფარიძის სასამართლო პროცესი იწყება. 

მხარეები სასამართლო დარბაზში რამდენიმე წუთის წინ გამოცხადდნენ. 

როგორც მამუკა ხაზარაძემ მედიის წარმომადგენლებს სხდომის დაწყებამდე განუცხადა, ეს ,,შოუ" ბიძინა ივანიშვილის მოწყობილია და ეს სასამართლო პროცესი მისთვის სრული კრახით დასრულდება. 

,,მინდა გითხრათ, რომ პრობლემა არის ის საბუთები და ტრანზაქციები, რომელიც ეროვნულ ბანკში და ფინანსური მონიტორინგის სამსახურშია. ის ფაქტი, რომ ,,თიბისი ბანკმა" სრულად არ შეისყიდა ,,პროგრეს ბანკი", დატოვა ტოქსიკური აქტივები გარეთ და შეისყიდა მხოლოდ ჯანსაღი აქტივები უნდა მოვძებნოთ. თუ სად არის არსებული დოკუმენტაცია უნდა მოვძებნოთ ეროვნულ ბანკში, რაც უკვე მოძებნილიცაა. ეს აბსურდული თეატრი და შოუ ბიძინა ივანიშვილის სასამართლოში დასრულდება სრული კრახით რის პირობას მე გაძლევთ. ეს დაქირავებული პროკურორები არა სამართალს, არამედ ბიძინა ივანიშვილს ემსახურებიან. ჩვენ ყველა საჭირო დოკუმენტი წარვადგინეთ და ამიტომ, პროკურატურა უკვე ჩიხშია. ყველა გადარიცხვა და ბენეფიციარი დოკუმენტალურად გვაქვს წარმოდგენილი. თუ რას მოითხოვს დღეს სასამართლო ამას ერთად ვნახავთ".

შეგახსენებთ, , მამუკა ხაზარაძესა და ბადრი ჯაფარიძეს 2019 წლის 24 ივლისს ბრალი ჯგუფურად წარედგინათ, 16 664 000 ამერიკული დოლარის უკანონო შემოსავლის მიღება ( დანაშაული გათვალისწინებული საქართველოს სისხლის სამართლის კოდექსის 194 მუხლის მე-2 ნაწილის ,,ა" და მე-3 ნაწილის ,,გ" ქვეპუნქტებით).

გიორგი ჩაფიძე

ავტორი: ექსპრესნიუსი,

სოციალური ქსელები

ნიუ-იორკის სასამართლომ ქართველ ნაცისტს ყასაბის სახელით ცნობილ იხეილ ჩხიკვიშვილს 15 წლით თავისუფლების აღკვეთა მიუსაჯა

მარკეტა გრეგოროვა: „იმედმა“ და სხვა პროსამთავრობო არხებმა ევროპარლამენტის წესები დაარღვიეს

ტროტუარზე დგომის საბაბით ბუკა პეტრიაშვილს 3-დღიანი პატიმრობა შეუფარდეს

საქართველოს ბანკისა და UN Women-ის მხარდაჭერით, „ბაზარი ორბელიანზე“ მეწარმე ქალების პროდუქციის გამოფენა-გაყიდვა გაიმართება