პრემიერ-მინისტრი გიორგი გახარია ამერიკის შეერთებულ შტატებს "საქართველოს მხარდამჭერი აქტის" მიღებისთვის მადლობას უხდის.

როგორც პრემიერის განცხადებაშია აღნიშნული, "საქართველოს მხარდამჭერის აქტის" მიღება იმის დასტურია, რომ ამერიკა ქვეყნის უახლოესი სტრატეგიული პარტნიორია. მისივე შეფასებით, აქტი საქართველოსა და ამერიკას შორის თავდაცვით, ეკონომიკურ და კიბერუსაფრთხოების მიმართულებით კავშირებს უფრო აძლიერებს. 

"ქართველი ხალხის სახელით ამერიკის წარმომადგენელთა პალატას "საქართველოს მხარდამჭერი აქტის მიღებისთვის მადლობა მინდა გადავუხადო. აღნიშნული აქტი წარმოადგენს პირველ დამოუკიდებელ კანონმდებლობას, რომელიც საქართველოს ეხება და ჩვენი პარტნიორობის შემდეგ ეტაპზე გადაყვანას ეძღვნება. ამერიკა ჩვენი უახლოესი სტრატეგიული პარტნიორია. საქართველოს მხარდამჭერი აქტი“ მნიშვნელოვნად აძლიერებს თავდაცვით, ეკონომიკურ და კიბერუსაფრთხოების მიმართულებით კავშირებს საქართველოსა და აშშ-ს შორის. ამერიკასთან უფრო ახლო ურთიერთობები დაგვეხმარება მეტი სამუშაო ადგილის შექმნაში, ძლიერი საშუალო კლასის ჩამოყალიბებაში და აგრეთვე საქართველოში მდგრადი უსაფრთხოების შენარჩუნებაში. ხსენებული აქტის მიღება ხაზს უსვამს იმას, რომ საქართველოს ამერიკაში ძლიერი და ორპარტიული მხარდაჭერა აქვს. ჩვენი პარტნიორობა დაფუძნებულია ჩვენს საერთო ღირებულებებზე, როგორიცაა თავისუფლება და დემოკრატია", - წერს გიორგი გახარია Twitter-ის საკუთარ გვერდზე. 

ცნობისთვის, აშშ-ის კონგრესმა საქართველოს მხარდამჭერი ორპარტიული აქტი დაამტკიცა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ნიუ-იორკის სასამართლომ ქართველ ნაცისტს ყასაბის სახელით ცნობილ იხეილ ჩხიკვიშვილს 15 წლით თავისუფლების აღკვეთა მიუსაჯა

მარკეტა გრეგოროვა: „იმედმა“ და სხვა პროსამთავრობო არხებმა ევროპარლამენტის წესები დაარღვიეს

ტროტუარზე დგომის საბაბით ბუკა პეტრიაშვილს 3-დღიანი პატიმრობა შეუფარდეს

საქართველოს ბანკისა და UN Women-ის მხარდაჭერით, „ბაზარი ორბელიანზე“ მეწარმე ქალების პროდუქციის გამოფენა-გაყიდვა გაიმართება