ცესკო-ს ყოფილი თავმჯდომარე წვრილმანი ხულიგნობისთვის დააკავეს

2019-10-01 13:13:53, 1595 ნახვა

სამართალი

"გამარჯვებული საქართველოს" ერთ-ერთი წევრი გურამ ჩალაგაშვილი წვრილმანი ხულიგნობისთვის დააკავეს.

შინაგან საქმეთა სამინისტროს ინფორმაციით, ჩალაგაშვილმა სამართალდამცველების მიმართ აგრესია გამოხატა და საზოგადოებრივ წესრიგს არღვევდა.

"საპატრულო პოლიციის თანამშრომლებმა ქავთარაძის ქუჩაზე გადამოწმების მიზნით ერთ-ერთი ავტომობილი შეაჩერეს. მძღოლის თანხმლებმა მგზავრმა - 1977 წელს დაბადებულმა გ.ჩ.-მ სამართალდამცველების მიმართ გამოხატა აგრესია, არღვევდა საზოგადოებრივ წესრიგს, რის შემდეგაც საპატრულო პოლიციის თანამშრომლებმა ადმინისტრაციული სამართალდარღვევათა კოდექსის 166-ე მუხლით გათვალისწინებული დარღვევისთვის ის ადგილზე დააკავეს“, - ნათქვამია ინფორმაციაში.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან