2019-09-27 13:14:24, 2238 ნახვა

---

მათიკაშვილი ბესელიაზე: ტყუილებში გაიბლანდა, მისი მიზანი სასამართლოში საკუთარი არაფორმალური გავლენების დამყარება იყო

დავით მათიკაშვილი აცხადებს, რომ რა თქმა უნდა, პარლამენტში მსგავსი ქმედება, რაც გუშინ მოხდა სრულიად მიუღებელი და დასაგმობია.

მისი განცხადებით, რაც არ უნდა იყოს დაპირისპირების მიზეზი, ფიზიკური შეხლა-შემოხლა და სიტყვიერი შეურაცხყოფა ქვეყნის უმაღლეს საკანონმდებლო ორგანოში ყოველგვარ სტანდარტს ცდება.

„რაც შეეხება ბესელიას პოზიციებს სასამართლოზე. მე მრჩება შთაბეჭდილება, რომ ეკა ბესელია უკვე თავად გაიბლანდა თავის ტყუილებში. მისი გუშინდელი განცხადება იმის დასტურია, რომ ბესელიას ერთადერთი მიზანი სასამართლოსთან მიმართებაში, საკუთარი არაფორმალური გავლენების  დამყარება იყო.

ამას რომ ვერ მიაღწია, იმიტომ არის  გამწარებული ეკა ბესელია და სწორედ ამიტომ ხდება დღითი-დღე მისი ქმედებები უფრო არაადეკვატური, ხოლო მისი განცხადებები უფრო და უფრო აბსურდული. შესაბამისად, სერიოზული კომენტარის გაკეთებას და დეტალებში შესვლას ამ საკითხზე მომავალში აღარ ვაპირებ“, - აღნიშნავს მათკაშვილი.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი