„ევროპული საქართველოს“ ერთ-ერთმა ლიდერმა ელენე ხოშტარიამ გლდანის ნომერ მერვე პენიტენციურ დაწესებულებაში 20-21 ივნისის აქციის საქმეზე დაკავებულები მოინახულა.

როგორც მან განაცხადა, ერთ-ერთი დაკავებული ლევან ჯიქური სამედიცინო დაწესებულებაში იმყოფება.

მისივე თქმით, დანარჩენების ჯანმრთელობის მდგომარეობა და პირობები დამაკმაყოფილებელია.

„ეს არის ძალიან დიდი უსამართლობის განცდა, მათ შორის ის სასამართლოები, რომელიც ტარდება, აბსოლუტურად დაუსაბუთებლად ტოვებენ მათ წინასწარ პატიმრობაში. არანაირი ამის საფუძველი არ არის, ამ ადამიანებს თავიანთი საქმე, რაც გარეთ აქვთ უფუჭდებათ“, - განაცხადა ელენე ხოშტარიამ.

გარდა ამისა, როგორც დეპუტატმა აღნიშნა, „გამარჯვებული საქართველოს“ ლიდერის ირაკლი ოქრუაშვილის მძღოლსაც შეხვდა.

„ასევე შევხვდი ობა კოშაძეს, რომელიც ასევე პოლიტიკური ნიშნით არის დაკავებული, პირდაპირ დეტალებში ამიღწერა როგორ ჩაუდეს იარაღი. ეს ყველაფერი კი ქვეყნისთვის დიდი პრობლემაა, რადგან კიდევ გრძელდება მოქალაქეების უსამართლოდ დაკავება“, - განაცხადა ხოშტარიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კრაკოვში 11 ნოემბრს გლოვის დღე გამოცხადდა, სროლის შედეგად 6 ადამიანი დაიღუპა 15 დაიჭრა

კრაკოვის ცენტრში სროლის შედეგად დაღუპულთა რიცხვი ხუთამდე გაიზარდა

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა