პრეზიდენტის ადმინისტრაცია პროკურატურის მიერ შეწყალების საკითხზე გამოძიების დაწყებას ეხმაურება

2019-09-20 14:00:19, 1308 ნახვა

პოლიტიკა

საქართველოს პრეზიდენტის ადმინისტრაცია გენერალური პროკურატურის მიერ, შეწყალების საქმეზე დაწყებულ გამოძიებას მიესალმება.

როგორც განცხადებაშია აღნიშნული, მიმდინარე მოვლენებიდან გამომდინარე ერთადერთი სწორი გზა სამართლებრივი რეაგირების განხორციელებაა.

"მივესალმებით გენერალური პროკურატურის გადაწყვეტილებას პრეზიდენტის მიერ მსჯავრდებულების შეწყალების ფაქტებზე გამოძიების დაწყებასთან დაკავშირებით. ისეთ დროს, როცა არ წყდება ინსინუაციების და მძიმე ცილისმწამებლური განცხადებების გავრცელება, ერთადერთი სწორი გზა პროკურატურის მიერ ფაქტების შესწავლა და შემდეგ სათანადო სამართლებრივი რეაგირების განხორციელებაა", - ნათქვამია განცხადებაში.

ცნობისთვის, პროკურატურამ მკვლელობისთვის მსჯავრდებული 3 პირის შეწყალების ფაქტზე გამოძიება დაიწყო.