ლიეტუვასა და ლატვიის საგარეო საქმეთა მინისტრებმა აგვისტოს ომის მე-11 წლისთავთან დაკავშირებით განცხადებები გაავრცელეს და რუსეთის აგრესია კიდევ ერთხელ დაგმეს.

როგორც ლიეტუვას საგარეო საქმეთა მინისტრი ლინას ლინკევიჩუსი „ტვიტერის“ საკუთარ გვერდზე წერს, რუსეთი დღემდე აგრძელებს საქართველოს ტერიტორიების ანექსიას და ქვეყნის 20% ოკუპირებული აქვს.

„საქართველოს წინააღმდეგ წინასწარ დაგეგმილი აგრესიის შემდეგ 11 წელი გავიდა. რუსეთი კვლავ განაგრძობს საქართველოს ანექსიას და მისი ტერიტორიების 20% ოკუპირებული აქვს. სამწუხაროდ, გაკვეთილი ვერ ვისწავლეთ, მას ყირიმი და დონბასი მოჰყვა“, - წერს ლინკევიჩიუსი.

რაც შეეხება ლატვიის საგარეო საქმეთა მინისტრს, მან კიდევ ერთხელ დაადასტურა საქართველოს სუვერენიტეტისადმი მხარდაჭერა და აღნიშნა, რომ რუსეთმა ქვეყნიდან ჯარები უნდა გაიყვანოს.

„საქართველოს მიმართ რუსეთის მიერ განხორციელებული აგრესიის 11 წლის თავზე მე ვიმეორებ, რომ ლატვია მხარს უჭერს საქართველოს ტერიტორიულ მთლიანობას და სუვერენიტეტს. რუსეთმა საქართველოს ოკუპაცია უნდა დაასრულოს და მისი ტერიტორიიდან ჯარები გაიყვანოს“, - წერს ედგარ რინკევიჩი ტვიტერზე.

აგვისტოს ომის მე-11 წლისთავს გამოეხმაურა ლატვიას საგარეო საქმეთა სამინისტროც:

„2008 წლის აგვისტოში საქართველოში განხორციელებული რუსული აგრესიის შემდეგ  ლატვია მტკიცედ უჭერს მხარს საქართველოს სუვერენიტეტს და ტერიტორიულ მთლიანობას საერთაშორისო დონეზე აღიარებულ საზღვრებში“, - ნათქვამია განცხადებაში.

ავტორი: ექსპრესნიუსი,

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო