საერთაშორისო რესპუბლიკური ინსტიტუტის (IRI) კვლევის მიხედვით, პოლიტიკოსთა რეიტინგში დავით ბაქრაძე, კახა კალაძე და გრიგოლ ვაშაძე ლიდერობენ.

უფრო კონკრეტულად, „ევროპული საქართველოს“ ლიდერის დავით ბაქრაძის მიმართ დადებითი განწყობა გამოკითხულთა 59%-მა დააფიქსირა, უარყოფითი - 34%; თბილისის მერის, კახა კალაძის მიმართ დადებითად გამოკითხულთა 49%-ია განწყობილი, უარყოფითად - 43%; „ნაციონალური მოძრაობის“ ლიდერის, გრიგოლ ვაშაძის მიმართ დადებითი განწყობა გამოკითხულთა 48%-მა დააფიქსირა, უარყოფითი კი, 43%-მა.

რაც შეეხება სხვა პოლიტიკოსებს, მომდევნო ადგილებს იკავებენ: „შენების მოძრაობის“ დამფუძნებელი, დავით უსუფაშვილი; „ლეიბორისტული პარტიის“ ლიდერი შალვა ნათელაშვილი; „სამოქალაქო მოძრაობის“ თავმჯდომარე ალეკო ელისაშვილი; შს მინისტრი გიორგი გახარია; პრემიერ-მინისტრი მამუკა ბახტაძე; პრეზიდენტი სალომე ზურაბიშვილი; „ახალი საქათველოს“ ლიდერი გიორგი ვაშაძე; „ქართული ოცნება - დემოკრატიული საქართველოს“ ლიდერი ბიძინა ივანიშვილი; „პატრიოტთა ალიანსის“ ლიდერი ირმა ინაშვილი და სხვებიი

ცნობისთვის, IRI-ს დაკვეთით საზოგადოებრივი აზრის კვლევა IPM-მა, 20 მაისიდან 11 ივნისის ჩათვლით ჩაატარა. საქართველოს მასშტაბით გამოიკითხა 1500 ადამიანი. კვლევის ცდომილება 2.5%-ია.

ავტორი: ექსპრესნიუსი,

სოციალური ქსელები

16 მაისიდან N304 მარშრუტზე 18-მეტრიანი ავტობუსები იმოძრავებენ

ასტრახანის მახლობლად, „გაზპრომის“ ქარხანას დრონებით თავდასხმის დროს ცეცხლი გაუჩნდა

საფრანგეთის საელჩო - საფრანგეთი წარმატებებს უსურვებს ახალ პატრიარქს სულიერი მისიის შესრულებაში საქართველოს ერთიანობის სამსახურში

მოსკოვის საპატრიარქოს მილოცვა - ჩვენ დიდად ვაფასებთ იმ ფაქტს, რომ თქვენი ცხოვრების ნაწილი დაკავშირებულია მოსკოვთან