დავით გარეჯის ტერიტორიაზე, კელიიდან გამოტანილი ხატების ნაწილი უკან დააბრუნეს, - ამის შესახებ „ექსპრესნიუსს“ ანტისაოკუპაციო მოძრაობის “ძალა ერთობაშიას“ ლიდერმა დავით ქაცარავამ განუცხადა.

ქაცარავას ინფორმაციით, ქართულ-აზერბაიჯანული მხარის შეხვედრის გამო, უდაბნოს მონასტერთან მისასვლელი ბილიკები ჩაკეტილია.

„ახლა ვიმყოფებით დავით-გარეჯში, მეორე დღეა უკვე აქ ვართ. სიტუაცია დასტაბილიზებულია, განმუხტულია ის ინციდენტი, რაც გუშინ მოხდა, ამის ნიშნები დღეს აღარ არის. თუმცა, დღეს დაკეტილია მისასვლელი ბილიკები უდაბნოს მონასტერთან და ეს უკავშირდება ქართულ-აზერბაიჯანული მხარეების შეხვედრას, რომელიც, სავარაუდოდ, ამ წუთებში მიმდინარეობს. შეხვედრა უნდა დაწყებულიყო დაახლოებით 14:00 საათზე და პერიმეტრის გადაკეტვა სწორედ ამის ნიშანია, რომ შეხვედრა ჯერ არ დამთავრებულა. ჩვენ 7 მაისს დავიწყეთ და არც შეგვიწყვეტია პატრულირება, აქ ვმოძრაობთ უკვე 2 თვეა. გუშინ პატრულირების რიგითი დღე იყო, როცა მოხდა შეხლა-შემოხლა მოსახლეობასა და აზერბაიჯანელ მესაზღვრეებს შორის. საფუძველი ამ ინციდენტის ალბათ მაინც იყო 5 დღის წინ ხატების გამოტანა კელიებიდან და ქართული მხარისთვის გადმოცემა. ამასთან ერთად ისიც, რომ, ფაქტობრივად, აზერბაიჯანელმა მესაზღვრეებმა ჩვენი კელიები ტუალეტებად აქციეს. ეს საკითხები აღმოჩნდა აღმაშფოთებელი და შეურაცხმყოფელი ქართული საზოგადოებისთვის და, ყველაფერთან ერთად, ამ მოვლენებთან დაკავშირებით არანაირი ოფიციალური პოზიცია ჩვენს ხელისუფლებას არ დაუფიქსირებია. მე რამდენადაც ვიცი, საგარეო საქმეთა სამინისტროს წარმომადგენელი აქ არ ყოფილა. ხატების ნაწილი დაბრუნებულია კელიებში, ხოლო მეორე ნაწილი კიდევ დასაბრუნებელია, რომელიც ამჟამად ჩვენს კონტროლირებად ტერიტორიაზე იმყოფება“,- განაცხადა დავით ქაცარავამ.

„ექსპრესნიუსი“ საგარეო საქმეთა სამინისტროსაც დაუკავშირდა. ჩვენ დავინტერესდით ესწრება თუ არა საგარეო უწყების წარმომადგენელი დავით გარეჯში მიმდინარე შეხვედრას, თუმცა უწყებაში აღნიშნეს, რომ მათი წარმომადგენელი ტერიტორიაზე არ იმყოფება. კითხვაზე თუ რატომ არ იმყოფება მათი წარმომაგენელი დავით გარეჯში, პასუხად სასაზღვრო პოლიციასთან გადაგვამისამართეს, და აღნიშნეს, რომ საგარეო უწყება კომისიის მუშაობაში არის ჩართული. 

ავტორი: ექსპრესნიუსი,

სოციალური ქსელები

კრაკოვში 11 ნოემბრს გლოვის დღე გამოცხადდა, სროლის შედეგად 6 ადამიანი დაიღუპა 15 დაიჭრა

კრაკოვის ცენტრში სროლის შედეგად დაღუპულთა რიცხვი ხუთამდე გაიზარდა

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა