იურიდიულ საკითხთა და საპროცედურო კომიტეტების გაერთიანებულ სხდომა ხმაურის ფონზე მიმდინარეობს.

ოპოზიცია იმ მტკიცებულებების გაცნობას ითხოვს, რითაც პროკურატურა ნიკა მელიასთვის სადეპუტატო იმუნიტეტის შეწყვეტას მოითხოვს.

თინა ბოკუჩავას განცხადებით, მიმართვაში, რომელიც პროკურატურამ პარლამენტს გაუგზავნა არ არის განმარტებული, კონკრეტულად რა დანაშაული ჩაიდინა მელიამ.

„მტკიცებულებებში არ წერია არსად რის გამო განიხილავთ ნიკა მელიასთვის იმუნიტეტის მოხსნის საკითხს, იმ მიზნით, რომ მოხდეს მისი დაკავება. წარმოადგინოს პროკურატურამ მტკიცებულებები, სხვანაირად იქნებით ჩვეულებრივი „ტროიკა“ და თუ ერთადერთი მტკიცებულება არის მისი ხელის ჟესტიკულაცია, ნიკა მელიას სანამ გააგდებდით პარლამენტის შენობიდან, ვიყავით ერთად ძალიან ბევრი დეპუტატი და გვაინტერესებს რატომ არ დგება პირადად ჩემი პასუხისმგებლობა, რადგან ერთადერთი მტკიცებულება, რის გამოც აპირებთ მოუხსნათ იმუნიტეტი. ჩამოყალიბდით ბოლომდე „ტროიკად“ ან განგვიმარტეთ, რა მტკიცებულებები არსებობს. სანამ თქვენი სისხლიანი რეჟიმი იქნება ვერ დაწყნარდება ხალხი“, - მიმართა ბოკუჩავამ საპარლამენტო უმრავლესობას.

საპროცედურო საკითხთა კომიტეტის თავმჯდომარემ კი თინა ბოკუჩავას ურჩია დაწყნარებულიყო და სისხლიან რეჟიმზე არ ესაუბრა. 

„წყნარად იყავით, სისხლიან რეჟიმზე ბევრს ნუ ლაპარაკობთ“, - განაცხადა კახიანმა.

შეგახსენებთ, რომ პროკურატურა ნიკა მელიას  ბრალს საზოგადოებრივი წესრიგისა და უშიშროების წინააღმდეგ მიმართული დანაშაულის ჩადენაში სდებს. გენერალური პროკურორის პარლამენტისადმი გაგზავნილ მიმართვაში ნათქვამია, რომ მან შესძლო დაეყოლიებინა მშვიდობიანი მომიტინგეები სამართლადამცავებზე ძალადობრივ თავდასხმაში.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კრაკოვში 11 ნოემბრს გლოვის დღე გამოცხადდა, სროლის შედეგად 6 ადამიანი დაიღუპა 15 დაიჭრა

კრაკოვის ცენტრში სროლის შედეგად დაღუპულთა რიცხვი ხუთამდე გაიზარდა

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა