პარლმენტის ეთიკის საბჭომ პირველი სხდომა გამართა, რომელიც საორგანიზაციო საკითხების განხილვას დაეთმო.

საბჭოს წევრებმა ეთიკის საბჭოს დებულებაში შესატან საკითხებზე და სხვადასხვა შესამუშავებელ დოკუმენტებზე იმსჯელეს.

„დღევანდელ შეხვედრაზე განვიხილეთ, თუ როგორი უნდა იყოს ეთიკის საბჭოს დებულება და  ის ძირითადი საკითხები, რომელიც დებულებაში დასაკონკრეტებელი გვაქვს. ასევე, შესამუშავებელია გარკვეული დოკუმენტების ფორმები, მათ შორის: საჩივრის ფორმა, სარეკომენდაციო ბარათის ფორმა, საჩუქრის რეგისტრაციის ფორმა და სხვა. ეთიკის საბჭოს დებულების და დოკუმენტების ფორმების შემუშავებას გარკვეული დრო დასჭირდება და ვფიქრობ, რომ სექტემბრის დასაწყისში საბჭო მზად იქნება სრულფასოვნად დაიწყოს მუშაობა", - განაცხადა შეხვედრის კომენტირებისას პარლამენტის ეთიკის საბჭოს წევრმა, ირინე ფრუიძემ.

პარლმენტის ეთიკის საბჭო საქართველოს პარლამენტის 2019 წლის 19 მარტის დადგენილებით შეიქმნა. ეთიკის საბჭოს რაოდენობა განისაზღვრება 14 წევრით. საბჭოს წევრები არიან: ირინე ფრუიძე, ნინო წილოსანი, რუსლან გაჯიევი, კობა ლურსმანაშვილი, გენადი მარგველაშვილი, რატი იონათამიშვილი, რუსლან პოღოსიანი, ოთარ კახიძე, ხათუნა გოგორიშვილი, სერგი კაპანაძე, მამუკა ჩიქოვანი, ემზარ კვიციანი, ეკა ბესელია და რამაზ ნიკოლაიშვილი.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კრაკოვში 11 ნოემბრს გლოვის დღე გამოცხადდა, სროლის შედეგად 6 ადამიანი დაიღუპა 15 დაიჭრა

კრაკოვის ცენტრში სროლის შედეგად დაღუპულთა რიცხვი ხუთამდე გაიზარდა

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა