„ევროპული საქართველოს წევრი“, ხორავას ქუჩის საპარლამენტო საგამოძიებო კომისიის თავმჯდომარე სერგი კაპანაძე ხორავას ქუჩის საქმეზე სააპელაციო საამართლოს გადაწყვეტილებას ეხმაურება. 

დეპუტატის განცხადებით , დადასტურდა პრაქტიკულად საგამოძიებო კომისიის მიერ დადებული დასკვნა, კერძოდ დავით სარალიძის მკვლელი არ არის იდენტიფიცირებული და არის თავისუფლებაზე.

სერგი კაპანაძის თქმით, კომისიის დასკვნა არის ისევ რეველანტური და იდენტიფიცირებულია გარემოებები და მათზე უნდა მოხდეს რეაგირება.

„მოვისმინეთ სააპელაციო სასამართლოს გადაწყვეტილება ხორავას ქუჩის საქმესთან დაკავშირებით, დადასტურდა პრაქტიკულად ის რაზეც  საგამოძიებო კომისიამ შარშან დადო თავისი დასკვნა. კერძოდ ის რომ მკვლელი დავით სარალიძის არ არის იდენტიფიცირებული და არის თავისუფლებაზე. შესაბამისად, ამ სასამართლომაც კი ,რომელიც სრულიად კონტროლდება ხელისუფლების მიერ არ გაიზიარა ის აბსურდული, კატასტროფული, მე ვიტყოდი არგუმენტები, რომელიც გააჩნდა პროკურატურას ჯერ კიდევ პირველ ინსტანციაში და ახლა სააპელაციო დონეზე საჩივრის დროს.

 როგორც ჩანს მოერიდა სასამართლო იმ რისხვას რაც შეიძლება მოყოლოდა არასამართლიან გადაწყვეტილებას , რომ პრაქტიკულად პირველ დონეზე მიღებული გადაწყვეტილება დატოვა ძალაში.

ეს ნიშნავს შემდეგს , კომისიის დასკვნა არის ისევ რეველანტური, ჩვენს მიერ იდენტიფიცირებული გარემოებები, არის ისევ რეველანტური და მათზე უნდა მოხდეს რეაგირება უმოკლეს ვადებში, წინააღმდეგ შემთხვევაში ჩვენ გვაქვს შემთხვევა,როდესაც ახალგაზრდა ადამიანის განძრახ მკვლეობაში მონაწილე ადამიანი, რომელმაც მიაყენა სასიკვდილო ჭრილობა დათო სარალიძეს, არის თავისუფლებაზე და ეს ყველამ იცის. ამის შესახებ არის დასკვნები დადებული საპარლამენტო კომისიის მიერ და ეს დაადასტურა მეორე ინსტანციამ სასამართლოსი“, - აღნიშნა სერგი კაპანაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა

სამეფო ოპერის თეატრმა დიდი ბრიტანეთის პრემიერ-მინისტრს პაატა ბურჭულაძის საქმეში ჩარევისკენ მოუწოდა

საქართველოს რაგბის ეროვნული ნაკრების ყოფილი კაპიტანს დოპინგის ბრალდებით 11 წლით დისკვალიფიკაცია მისცეს

EU-ის წარმომადგენლობა: ვულოცავთ შიო III-ს სრულიად საქართველოს კათოლიკოს-პატრიარქად გამორჩევას