თბილისში, ავტომობილის პარკირების საფასური შესაძლოა, საათში 50 თეთრი იყოს.

ამის შესახებ თბილისის ვიცე-მერმა ირაკლი ხმალაძემ ჟურნალისტებს განუცხადა.

როგორც მან აღნიშნა, ქუჩების მიხედვით საფასური განსხვავებული იქნება.

„საფასურის დადგენა მინიმალური ოდენობიდან უნდა დავიწყოთ და უკვე პროცესში დაკვირვების შედეგად უნდა გაიზარდოს. საფასურმა უნდა მოგვცეს შედეგი, რაც იმას ნიშნავს, რომ უნდა შემცირდეს კონკრეტულ არეალზე თავმოყრა და პარკირება. უნიკალური ტარიფი, რომელიც რამდენიმე ქვეყანაში მუშაობს არ არსებობს. ერთი ტარიფი ვერც მთელ თბილისში იმუშავებს, რადგან ყველა ქუჩას აქვს თავისი სპეციფიკა“, - განაცხადა ირაკლი ხმალაძემ და დასძინა, რომ საბოლოო ტარიფზე საკრებულოს წევრებთან ერთად იმსჯელებენ.

თბილისში ზონალურ-საათობრივი პარკირების წესი პირველ ეტაპზე, საპილოტე მოდელის სახით, მიმდინარე წლის პირველი ივლისიდან რამდენიმე ქუჩაზე ამოქმედდება. პირველი არეალი კი, სადაც ზონალურ-საათობრივი პარკირება ამოქმედდება, კოტე აფხაზის (ყოფილი ლესელიძის) ქუჩაა. 

ავტორი: ,

სოციალური ქსელები

უკრაინული დრონების დაბომბვის და ნავთობის წვიმის შემდეგ, რიაზანში საგანგებო მდგომარეობა გამოცხადდა.

დრონებმა რუსეთის ნავთობგადამამუშავებელი ქარხნის სიმძლავრის 11% პარალიზება მოახდინეს

საგარეო: ანდრეი სიბიგასთან შეხვედრაზე ხაზი გაესვა უკრაინის მხრიდან გადადგმულ ნაბიჯებს

პუტინის რეიტინგის გაანგარიშების მეთოდოლოგია შეიცვალა 8 წლის განმავლობაში ყველაზე მკვეთრი ვარდნის შემდეგ