ადამიანის უფლებების დაცვის საერთაშორისო ორგანიზაციამ Human Rights Watch-მა 2018 წლის ანგარიში გამოაქვეყნა, სადაც საქართველოში არსებულ გამოწვევებზეც არის საუბარი.

ანგარიშში ნათქვამია, რომ სამართალდამცველების დაუსჯელობა ძალაუფლების ბოროტად გამოყენებისთვის კვლავ პრობლემად რჩება.

“იმ შემთხვევაშიც კი, თუ გამოძიება იწყება, ხშირად იმგვარი ბრალდებების წაყენება ხდება, რაც ნაკლები, არასათანადო სანქციების დაწესებას იწვევს და განაჩენის გამოტანით იშვიათად სრულდება. შესაბამისი უწყებები დაზარალებულებს მსხვერპლის სტატუსის მინიჭებაზე უარს ეუბნებოდნენ და საგამოძიებო დოკუმენტაციის გადახედვის საშუალებას არ აძლევდნენ. 2018 წლის სექტემბერში საქართველოს სახალხო დამცველის აპარატმა მიიღო 149 საჩივარი, რომელიც სიხის პერსონალისა ან პოლიციის მხრიდან არასათანადო მოპყრობას ეხებოდა. ომბუდსმენმა პროკურატურას შუამდგომლობით მიმართა, რომ 8 საქმეზე გამოძიება ჩატარებულიყო, თუმცა არც ერთ შემთხვევაში მოკვლევა არ დაწყებულა. ივლისში პარლამენტმა მხარი დაუჭირა სახელმწიფო ინსპექტორის სამსახურის შექმნას. კანონი პროკურორს სამეთვალყურეო როლს ანიჭებს ამ ორგანოს გამოძიებებზე, მათ შორის უფლებას აძლევს, ნებისმიერ საგამოძიებო პროცედურაზე  სავალდებულო მითითებები გასცეს ან საგამოძიებო გადაწყვეტილებები შეცვალოს, რაც თავის მხრივ ამ ორგანოს დამოუკიდებლობას ეჭვის ქვეშ აყენებს", - აღნიშნულია ანგარიშში. 

გარდა ამისა, Human Rights Watch-ს ვრცელი ნაწილი ხორავას ქუჩის საქმეს აქვს დათმობილი. ანგარიშში ნათქვამია, რომ ამ საქმის გამოძიებას ხანგრძლივი საპროტესტო აქციები მოჰყვა და პარლამენტში დროებითი საგამოძიებო კომისია შეიქმნა.

"მოკლული მოზარდების ოჯახები ამბობდნენ, რომ პროკურატურამ მტკიცებულებები განზრახ დაფარა ან გააყალბა.  დაიწყო მასობრივი პროტესტი, რის შედეგადაც მთავარმა პროკურორმა თანამდებობა დატოვა და პარლამენტში დროებითი საგამოძიებო კომისია შეიქმნა, რომლის უმრავლესობას ოპოზიციონერი დეპუტატები შეადგენდნენ. სექტემბერში კომისიიამ დაასკვნა, რომ პროკურატურის ყოფილმა მაღალჩინოსანმა, რომელიც ჩხუბში მონაწილე ორ პირს იცნობს, მტკიცებულებების დამალვაში მიიღო მონაწილეობა. მიუხედავად ამისა, კომისიაში შემავალი მმართველი გუნდის წევრები აცხადებდნენ, რომ იყო ყველაფერი იყო გამოწვეული საგამოძიებო სისტემაში არსებული ხარვეზებით", - აცხადებენ ორგანიზაციაში. 

ორგანიზაციის მიერ მომზადებულ ანგარიშში საუბარი პანკისის ხეობაში ჩატარებული სპეცოპერაციის დროს მოკლულ თემირლან მაჩალიკაშვილის საქმესაც შეეხო. 

"ხელისუფლებამ მაჩალიკაშვილის ოჯახს არ მიანიჭა დაზარალებულის სტატუსი, რის გამოც მათ საშუალება არ აქვთ საქმის მასალებს გაეცნონ", - ნათქვამია ანგარიშში. 

Human Rights Watch ასევე მაისში, თბილისში  „ბასიანსა“ და „გალერიში“ ჩატარებულ სპეცოპერაციების შესახებ წერს. ნათქვამია, რომ ადგილობრივი არასამთავრობო ორგანიზაციები ამ სპეცოპერაციებს აფასებდნენ, როგორც ძალის დემონსტრირებას, რასაც თბილისის ქუჩებში რამდენიმედღიანი საპროტესტო აქციები მოჰყვა.  

ავტორი: ,

სოციალური ქსელები

შენი საუკეთესო ციფრული გამოცდილებისთვის - ნახე, რა სიახლეები დაემატა თიბისის მობაილბანკს

ბოჭორიშვილი: რუსეთი კვლავ დგამს ნაბიჯებს საქართველოს რეგიონების ანექსიისკენ

ესპანეთში 13 ქართველისგან შემდგარი კრიმინალური დაჯგუფება დააკავეს

გარდაბანში მომხდარი ავარიის შედეგად დაშავებული ახალგაზრდა კლინიკაში გარდაიცვალა - ავტოსაგზაო შემთხვევას, ჯამში, 8 ადამიანი ემსხვერპლა