ახალგაზრდების ეკონომიკური გაძლიერებისთვის საჭირო უნარებისა და ცოდნის კლუბების (SKYE კლუბები) შემაჯამებელი ღონისძიება გაიმართა.

პროგრამა იუსტიციის სამინისტროს მმართველობის სფეროში მოქმედმა  სსიპ „დანაშაულის პრევენციის ცენტრმა"  საერთაშორისო ორგანიზაცია WorldVision საქართველოს წარმომადგენლობასთან თანამშრომლობით განახორციელა. პროგრამა თბილისის გარდა 5 ქალაქში - გორში, თელავში, ლაგოდეხში, რუსთავსა და ბათუმში  2018 წლის განმავლობაში მიმდინარეობდა. პროექტში 6 ქალაქის 15-21 წლის 160-მდე ახალგაზრდა და 13 მოხალისე ლიდერი მონაწილეობდა. სსიპ „დანაშაულის პრევენციის ცენტრის“ დირექტორის მოვალეობის შემსრულებელმა ლადო ჯავახიშვილმა SKYE პროგრამის მონაწილეებს ჩართულობისა და აქტიურობისთვის მადლობა გადაუხადა, სიმბოლური საჩუქრები გადასცა და დამდეგი ახალი წელი მიულოცა.

SKYE პროგრამის მიზანია ახალგაზრდების ეკონომიკური გაძლიერებისთვის საჭირო უნარების შეძენა, სოციალური მეწარმეობის შესახებ ცოდნის მიღება, სამოქალაქო და სამართლებრივი ცნობიერების ამაღლება და სხვა.

შემაჯამებელი ღონისძიება იუსტიციის სასწავლო ცენტრში გაიმართა. მას კლუბების წევრები, ლიდერები და მოწვეული სტუმრები დაესწრნენ. 6 კლუბის ყველა მონაწილეს და ლიდერებს ორ ენოვანი სერტიფიკატი გადაეცათ.

ახალგაზრდებს ლიდერების ხელმძღვანელობით მცირე დაფინანსების ფარგლებში, თემის საჭიროებებიდან გამომდინარე, შეუძლიათ დაგეგმონ და განახორციელონ სხვადასხვა სოციალური პროექტი. კლუბებმა ოთხი სასწავლო მიმართულებით იმუშავეს: აქტიური მოქალაქეობა, ლიდერობა, დასაქმებისთვის საჭირო უნარ-ჩვევები, სოციალური მეწარმეობა. SKYE პროგრამა 20-ზე მეტ ქვეყანაში წარმატებით ფუნქციონირებს და ახალგაზრდებში დიდი პოპულარობით სარგებლობს.

(NS)

ავტორი: ,

სოციალური ქსელები

ნიკა გვარამია მიიჩნევს, რომ პარტიები „ლელო - ძლიერი საქართველო“ და „გახარია საქართველოსთვის“ ოპოზიციურ ალიანსში უნდა მიიღონ

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ