22 დეკემბერს, 20:00 საათზე, პირველი რესპუბლიკის მოედანზე თბილისის მთავარი ნაძვის ხე აინთება.

ცერემონია საგანგებო საახალწლო დადგმასაც მოიცავს, რომლის რეჟისორი ნიკოლოზ შველიძეა, ხოლო კომპოზიტორი - მიშა მდინარაძე. წარმოდგენას პირველად ეყოლება სუდო თარჯიმანი. ნაძვის ხის ანთების ცერემონიაში დედაქალაქის მერი კახა კალაძე მიიღებს მონაწილეობას.

დადგმის გენერალურ რეპეტიციას დღეს მერის მოადგილე სოფიო ხუნწარია დაესწრო, რომელმაც საზოგადოებას ცერემონიაში მონაწილეობისკენ მოუწოდა.

„ვფიქრობ, ერთ-ერთი ყველაზე მასშტაბური ნაძვის ხის ანთების ცერემონია იქნება. თქვენ ხედავთ, როგორი ლამაზია სცენაც და ნაძვის ხეც. ყველას ველოდებით რესპუბლიკის მოედანზე, ზუსტად 20:00 საათზე. ბავშვებს ვთხოვთ, რომ წამოიყვანონ დედები, მამები, ბებიები და ბაბუები, იმისთვის, რომ ყველამ ერთად დიდი სიყვარულით ავანთოთ ჩვენი მთავარი ნაძვის ხე“, - განაცხადა სოფიო ხუნწარიამ.

საახალწლო წარმოდგენაში - „გადაეცი სიყვარული“ მონაწილეობენ: სოფო გელოვანი, ნოდიკო ტატიშვილი, გიორგი ცაგარელი, გიორგი ალექსიძის სახელობის თბილისის თანამედროვე ბალეტი, მოძრაობის თეატრი, თბილისის მერიის „ტანვარჯიშის განვითარების სპორტული ცენტრი'', თბილისის მერიის ალოიზ მიზანდარის სახელობის პირველი ხელოვნების სკოლის ბიჭუნათა კაპელა და ახალგაზრდული გუნდი.

(NS)

ავტორი: ,

სოციალური ქსელები

ნიკა გვარამია მიიჩნევს, რომ პარტიები „ლელო - ძლიერი საქართველო“ და „გახარია საქართველოსთვის“ ოპოზიციურ ალიანსში უნდა მიიღონ

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ