დღეს იუსტიციის სახლმა, თავისი არსებობის მანძილზე პირველად, სერვისი ჟესტურ ენაზე გასცა. ჟესტურ ენაზე მომსახურება მას შემდეგ გახდა შესაძლებელი, რაც იუსტიციის სახლის რამდენიმე ათეულმა ოპერატორმა, სპეციალური სწავლების პროგრამის ფარგლებში შესაბამისი მომზადება გაიარეს.

იუსტიციის სახლის სერვისები შეზღუდული შესაძლებლობის მქონე პირებისათვის ამით კიდევ უფრო მეტად ადაპტირებული გახდა.

იუსტიციის სახლის სერვისების მიწოდების კიდევ უფრო მეტი  ეფექტურობისა და ადაპტირებული გარემოს შექმნისთვის ორგანიზაციაში არაერთი ინიციატივა ხორციელდება, რაც, თავის მხრივ, ხელს უწყობს საქართველოს ერთ-ერთ პრიორიტეტული მიზნის მიღწევას - კიდევ უფრო გაუმჯობესდეს  სახელმწიფო სექტორის მომსახურების ხარისხი. იუსტიციის სახლში შეზღუდული შესაძლებლობის მქონე პირთათვის სერვისების ხელმისაწვდომობის გამარტივება გაეროს განვითარების პროგრამის  (UNDP) და შვედეთის მთავრობის მხარდაჭერით ხორციელდება.

ამჟამად, პროექტის „გაუმჯობესებული სერვისები ყველასთვის" ფარგლებში,  ოპერატორებს სპეციალური გადამზადება მიმდინარეობს, ისინი სწავლებას შეზღუდული შესაძლებლობის მქონე პირთა მომსახურების  სფეროში გადიან.   აღნიშნული სწავლებით  მონაწილეები შეიძენენ  ცოდნას შეზღუდული შესაძლებლობის მქონე პირებისთვის ეფექტიანი მომსახურებისა და მათთან კომუნიკაციის შესაბამისი სტანდარტების თაობაზე.   მიმდინარე პროექტის ფარგლებში, იუსტიციის სახლის წინა ხაზის თანამშრომლების გადამზადება ოქტომბერიდან ხორციელდება.  შეზღუდული შესაძლებლობის მქონე პირებისათვის  გაუმჯობესებული სერვისები გადამზადების კურსს საერთო ჯამში წლის ბოლომდე  750 თანამშრომელი გაივლის.

(NS)

ავტორი: ,

სოციალური ქსელები

სამადაშვილი - დუმილითა და უმოქმედობით ოცნება ანექსიის პროცესს ხელს უწყობს

ჰომოფობიის წინააღმდეგ ბრძოლის დღეს, საპატრიარქო ოჯახის დღედ აცხადებს, შიო III სამებაში წირვას აღავლენს

ფილფანი - „ოცნებამ“ საზოგადოება სოციალური ნიშნით გაყო

პროკურატურამ ,,კანონიერი ქურდობის“, „ქურდული სამყაროს“ წევრობის, „ქურდული სამყაროს“ საქმიანობის მხარდაჭერის ფაქტებზე 50 პირს ბრალდება წარუდგინა