მწერალთა სახლში წიგნის „ქართული ვაზის ჯიშები“ პრეზენტაცია გაიმართა, რომელიც პროფესორ ლევან უჯმაჯურიძის, მწერალ გიორგი კაკაბაძის და სოფლის მეურნეობის მეცნიერებათა აკადემიური დოქტორის ლონდა მამასახლისაშვილის ავტორობით გამოიცა.

წიგნში მოცემულია ინფორმაცია ვაზის ქართულ, ადგილობრივ და სელექციურ 614 ჯიშზე, თავმოყრილია ყველა ის მასალა, რომელიც ამა თუ იმ ჯიშის შესახებაა ცნობილი: დასახელება, სახელწოდების ახსნა, სინონიმები, ვაზის ისტორია, ბიოლოგიური აღწერა (ფოთოლი, მტევანი, მარცვალი), ვაზის ვეგეტაცია, მოსავლიანობა, ტექნიკური მონაცემები (მჟავიანობა - შაქრიანობა), მიღებული ღვინის დახასიათება და 300-ზე მეტი უნიკალური ფოტომასალა. 

წიგნი უნიკალურია იმ კუთხითაც, რომ მასში თავმოყრილია დღემდე, ქართველი, თუ უცხოელი მკვლევარების მიერ გამოცემული ვაზის ქართული ჯიშების შესახებ ინფორმაცია.

წიგნის პრეზენტაციას განათლების, მეცნიერების, კულტურის და სპორტის მინისტრი მიხეილ ბატიაშვილი, გარემოს დაცვისა და სოფლის მეურნეობის მინისტრი ლევან დავითაშვილი, საქართველოს მეცნიერებათა ეროვნული აკადემიის პრეზიდენტი გიორგი კვესიტაძე, აბბა ალავერდელი მიტროპოლიტი დავითი, ღვინის კომპანიების წარმომადგენლები, მეღვინეები და დარგის სხვა სპეციალისტები ესწრებოდნენ. 

“ჩვენთვის მნიშნელოვანია გაგრძელდეს ის ისტორია, რომელიც ამპელოგრაფიული წიგნების გამოცემასთან დაკავშირებით გვაქვს. ბევრი რამ ჩვენს სფეროში იცველბა, მათ შორის ის კოლექცია, რაზეც ჩვენი ავტორები მუშაობენ, ხდება ახალი ჯიშების მოძიება და იდენტიფიკაცია. ჩვენი პოლიტიკა მევენახეობის კუთხით უკავშირდება ზუსტად იმ ბიომრავალფეროვნების შენარჩუნებას და გაცოცხლებას, რომელიც ქვეყანას გააჩნია. ეს არ არის მხოლოდ რამდენიმე სამრეწველო ჯიშის არჩევა, რომელსაც დიდი პოტენციალი და ცნობადობა გააჩნია, არამედ  ძალიან მნიშვნელოვანია იყოს ჯიშების მრავალფეროვნება, რომელიც განვითარების უწყვეტი წყაროა. ეს მრავალფეროვნება კი სწორედ ჯიშების იდენტიფიკაციას,  აღწერას და შეფასებას გულისხმობს და ამისთვის  მინდა დიდი მადლობა გადავუხადო ავტორებს“, - აღნიშნა გარემოს დაცვისა და სოფლის მეურნეობის მინისტრმა, ლევან დავითაშვილმა.

პირველ ეტაპზე წიგნი ქართულ ენაზე გამომცემლობის „პეგასი“-ს მიერ 1000 ეგზემპლიარად დაიბეჭდა. სამომავლოდ იგეგმება წიგნის ინგლისურ და გერმანულ ენოვანი ვერსიების გამოცემა. 

(NS)

ავტორი: ,

სოციალური ქსელები

ჰომოფობიის წინააღმდეგ ბრძოლის დღეს, საპატრიარქო ოჯახის დღედ აცხადებს, შიო III სამებაში წირვას აღავლენს

ფილფანი - „ოცნებამ“ საზოგადოება სოციალური ნიშნით გაყო

პროკურატურამ ,,კანონიერი ქურდობის“, „ქურდული სამყაროს“ წევრობის, „ქურდული სამყაროს“ საქმიანობის მხარდაჭერის ფაქტებზე 50 პირს ბრალდება წარუდგინა

დაიწყე კარიერა ტექნოლოგიებში თიბისი IT აკადემიასთან ერთად