ავსტრალიამ და ნიდერლანდებმა რუსეთი მალაიზიური ბოინგის ჩამოგდებაში ოფიციალურად დაადანაშაულეს. სააგენტო Reuters-ის ინფორმაციით,  გადაწყვეტილების შესახებ ქვეყნებმა რუსულ მხარეს უკვე აცნობეს. 

საერთაშორისო საგამოძიებო გუნდმა, რომელიც სარაკეტო კომპლექს "ბუკის" მიერ მალაიზიის ავიახაზების კუთვნილი MH17 თვითმფრინავზე დარტყმას იკვლევდა, დაადგინა, რომ 4 წლის წინ, ეს რაკეტა რუსეთის სამხედრო სამსახურს ეკუთვნოდა.

„მთავრობა ყოველთვის აცხადებდა, რომ MH17-ის კატასტროფასთან დაკავშირებით სიმართლე უნდა გაირკვეს და მსხვერპლისა და მათი ნათესავებისთვის სამართლიანობამ უნდა იზეიმოს. ნიდერლანდები მხარს უჭერს ამ მხრივ საერთაშორისო საზოგადოებას. საერთაშორისო საგამოძიებო ჯგუფის დასკვნების საფუძველზე ნიდერლანდები და ავსტრალია დარწმუნებულები არიან, რომ რუსეთი პასუხისმგებელია „ბუკის“ ნადაგარის განთავსებაზე, რომელიც MH17-ის ჩამოსაგდებად გამოიყენეს“, – განაცხადა ნიდერლანდების საგარეო საქმეთა მინისტრმა სტეფ ბლოკმა.

ნიდერლანდებისა და ავსტრალიის მთავრობები გეგმავენ, რომ საერთაშორისო სასამართლოსა ან ორგანიზაციას მიმართონ.

„მოვუწოდებთ რუსეთს, აიღოს საკუთარ თავზე პასუხისმგებლობა და ითანამშრომლოს სიმართლის დადგენისა და MH17-ის მსხვერპლთა და მათი ნათესავებისთვის სამართლიანობის მიღწევის პროცესში“, – ნათქვამია ერთობლივ განცხადებაში.

საგარეო საკითხებში ევროკავშირის ევროკომისარმა ფედერიკა მოგერინიმ და ნატოს გენერალურმა მდივანმა იენს სტოლტენბერგმა შესაბამისი განცხადებები გაავრცელეს. 

ორივე მხარე განმარტავს, რომ აუციელებელია ოფიციალურმა მოსკოვმა საგამოძიებო ჯგუფთან ითანამშრომლოს. 

შეგახსენებთ, რომ თვითმფრინავი, რომელიც ამსტერდამი-კუალა-ლუმპურის მიმართულებით ასრულებდა რეისსს, 2014 წლის 17 ივლისს დონეცკის ოლქის აღმოსავლეთ ნაწილში ჩამოვარდა. დაიღუპა 283 მგზავრი და ეკიპაჟის 15 წევრი. ექსპერტებმა დაადგინეს, რომ სამგზავრო თვითმფრინავი ბუკის ტიპის სარაკეტო სისტემით ჩამოაგდეს, რომელიც ადგილზე რუსმა მებრძოლებმა შეიტანეს, თავად რუსეთი ამ ფაქტს უარყოფდა.

ავტორი: ,

სოციალური ქსელები

სუს-ი ირწმუნება, რომ 4 ოქტომბერს საქართველოს და მის ფარგლებს გარეთ მოქმედ პირთა ჯგუფი გეგმავდა სამოქალაქო არეულობის პროვოცირებას

პოლიციამ, მარნეულში ცრუ ჩვენების მიცემისა და ჯგუფურად ჩადენილი ხულიგნობის ბრალდებით 11 პირი დააკავა

Amnesty International - ხელისუფლებამ სისტემატურად დაიწყო აქტივისტების, ჟურნალისტების და ოპოზიციის მხარდამჭერების მიზანში ამოღება

Amnesty International - საქართველოში გამოხატვის თავისუფლების, გაერთიანებისა და მშვიდობიანი შეკრების უფლებები მკვეთრად შეიზღუდა