ვენესუელის ოპოზიციის ლიდერი მარია კორინა მაჩადო ვენესუელაში დაბრუნდა

2026-10-26 11:14:39, 280 ნახვა

მსოფლიო

ნობელის მშვიდობის პრემიის ლაურეატმა და ვენესუელის ოპოზიციის ლიდერმა მარია კორინა მაჩადომ ვენესუელაში დაბრუნების შესახებ განაცხადა.

„მე აქ ვარ. შენთან ერთად“, - დაწერა მან Twitter-ზე.

ჟურნალისტმა ტონი ფრანჰი მავადმა გამოაქვეყნა მაჩადოს ფოტოები კვირას წირვიდან ლარას შტატის ეკლესიაში.

მაჩადოს წარმომადგენელმა, დავიდ სმოლანსკიმ და ვენესუელის ოპოზიციის ყოფილმა საპრეზიდენტო კანდიდატმა, ედმუნდო გონსალესმაც განაცხადეს მისი დაბრუნების შესახებ.

„დღეს ვენესუელელებისთვის ძალიან მნიშვნელოვანი დღეა. მასთან ერთად ჩვენი სუვერენული ხმა ბრუნდება, რათა წარმართოს ეს პროცესი და სწორი მიმართულებით წარმართოს! ძალიან მალე მე თქვენთან და მასთან ერთად ვიქნები, რათა ჩვენი ქვეყანა ნამდვილად წინ წავიდეს თავისუფლებისკენ. თქვენ იცით: ჩვენ ბოლომდე მივდივართ“, - დაწერა გონსალესმა.

მაჩადო 2014 წელს ვენესუელაში მასობრივი საპროტესტო აქციების მთავარი ფიგურა იყო. 2023 წელს მან მოიგო პრაიმერიზი და ოპოზიციური დემოკრატიული ერთიანობის პლატფორმის საპრეზიდენტო კანდიდატად დასახელდა. თუმცა, 2024 წლის აგვისტოში ის რბოლიდან მოხსნეს და შემდეგ გონსალესის საარჩევნო კამპანიას დაუჭირა მხარი. ვენესუელას მაშინდელმა პრეზიდენტმა, ნიკოლას მადურომ, გამარჯვება გამოაცხადა, თუმცა დამოუკიდებელმა დამკვირვებლებმა, მათ შორის გაერომ, შედეგები გააპროტესტეს. რამდენიმე უცხო ქვეყნის მთავრობა გონსალესს ვენესუელას ლეგიტიმურ პრეზიდენტად მიიჩნევს.

მადუროს მთავრობამ მაჩადოს ათი წლით აუკრძალა ქვეყნის დატოვება. არჩევნების შემდეგ ვენესუელაში დაწყებული პოლიტიკური რეპრესიებისა და საპროტესტო აქციების ფონზე, მაჩადო იძულებული გახდა ერთი წლით დამალულიყო. 2025 წლის დეკემბერში მან შეძლო ვენესუელას ფარულად დატოვება და ოსლოში გამგზავრება, სადაც მას ნობელის მშვიდობის პრემია მიენიჭა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან