კოლეჯის ,,ახალი ტალღა" საიუბილეო ღონისძიებას  აჭარის მთავრობის თავმჯდომარე ზურაბ პატარაძე სხვა საპატიო სტუმრებთან ერთად დაესწრო. 

ზურაბ პატარაძემ კოლეჯის ადმინისტრაციას და სტუდენტებს საიუბილეო თარიღი მიულოცა, წარმატებები უსურვა და პროფესიული განათლების განვითარების მნიშვნელობაზე ისაუბრა. მთავრობის თავმჯდომარემ აღნიშნა,  რომ ქობულეთის კოლეჯი არის საუკეთესო მაგალითი ამ მიმართულებით.

,,განსაკუთრებით მნიშვნელოვანია პროფესიული განათლების ამაღლება ისეთი ტურისტულად აქტიური რეგიონისთვის, როგორიცაა აჭარა, რომელიც სულ უფრო და უფრო იმკვიდრებს ადგილს, როგორც 4 სეზონის დანიშნულების ადგილი. მოგეხსენებათ, ტურიზმის განვითარებასთან ერთად იზრდება ტურისტული ობიექტების რაოდენობაც. მსგავსი რაოდენობის ტურისტულ ობიექტებში  საჭიროა მომსახურების ხარისხი იყოს მაღალი, რასაც თავის მხრივ სწორედ პროფესიონალი, კვალიფიცირებული კადრები უზრუნველყოფს" - განაცხადა ზურაბ პატარაძემ.

კონფერენციის ფარგლებში მოეწყო მიმდინარე და სამომავლო საერთაშორისო პროექტების განხილვა, სტუდენტებისა და მასწავლებლების გაცვლით პროგრამებში ჩართულობა, რაც ხელს უწყობს პროფესიული სწავლების ევროპულ სტანდარტებთან დაახლოებას.

ღონისძიებას საქართველოს პარლამენტის, საქართველოს განათლებისა და მეცნიერების სამინისტროს, აჭარის საკანონმდებლო და აღმასრულებელი ხელისუფლების, საქართველოში აშშ-ის სოფლის მეურნეობის დეპარტამენტის, ადგილობრივი თვითმმართველობის, ესტონეთის, გერმანიისა და პოლონეთის პროფესიული სასწავლებლების წარმომადგენლები ესწრებოდნენ.

ღონისძიების ფარგლებში პროფესიული სასწავლებლის პედაგოგებს მადლობის სიგელები გადაეცათ.

(NS)

ავტორი: ,

სოციალური ქსელები

სამოქალაქო საზოგადოება: ოცნების კამპანია ქვეყნის სახელმწიფოებრიობას აზიანებს, საჯარო სივრცეში ტერმინ „რუსოფობიის“ ხელოვნურად დამკვიდრების ცდილობს

რუსეთში წიწიბურას ფასები კვლავ გაიზარდა

ირანზე გამარჯვება ხელიდან ეცლება: ტრამპი სულ უფრო მეტად ემუქრება მოკავშირეებს - Washington Post

ფესტივალი ZEIMI - ქართული კულტურისა და გემოს დღესასწაული ნიუ-იორკში თიბისის მხარდაჭერით გაიმართება