თბილისის მერიის გარემოს დაცვის საქალაქო სამსახური აღმასრულებლის გარდა, პოლიტიკის განმახორციელებელიც გახდა, - ამის შესახებ დედაქალაქის მერმა კახა კალაძემ განაცხადა, რომელმაც საზოგადოებას საქმიანობის 100 დღის ანგარიში წარუდგინა.

მისი თქმით, სტრუქტურული რეფორმის შედეგად, მშენებლობის ნებართვის აღების დროს, პროცესში გარემოს დაცვის სამსახური თავიდანვე ჩაერთვება. ასევე, სავალდებულო ხდება ნებართვის აღების პროცესში სატრანსპორტო საქალაქო სამსახურის ჩართვაც.

„მშენებლობის ნებართვის მისაღებად, სავალდებულო ხდება დენდროლოგიური პროექტის შეთანხმება. ნებართვის აღების დროს, მშენებელს ასევე, აქვს ვალდებულება,  კონკრეტული ადგილის გამწვანების ვალდებულებაც აიღოს. სავალდებულო ხდება ნარგავების არამარტო გაშენება, არამედ მათი მოვლა-პატრონობაც. გამწვანებას ჩვენი მხრიდან განსაკუთრებული ყურადღება დაეთმობა, რადგან ყველაფერი უნდა გავაკეთოთ იმისთვის, რომ ქალაქში არსებული ეკოლოგიური მდგომარეობა გავაუმჯობესოთ“, - აღნიშნა დედაქალაქის მერმა.

კახა კალაძემ საქმიანობის 100 დღის ანგარიშის პრეზენტაციისას ყურადღება ასევე, განათლების, კულტურის, ჯანსაღი ცხოვრების წესისა და ახალგაზრდობის პოლიტიკის გაუმჯობესების მიმართულებით დაგეგმილ პროექტებზე გაამახვილა. მისი თქმით, შენდება ორი ახალი სპორტული და ერთი მულტიფუნქციური სპორტული ცენტრი, უახლოეს პერიოდში კი, ვარკეთილსა და დიდ დიღომში ორი ახალი მულტიფუნქციური კომპლექსის მშენებლობა დაიწყება.

„სოციალურად დაუცველი სტუდენტების დაფინანსება გაიზარდა. ჩვენ ყველანაირად ხელი უნდა შევუწყოთ იმ ადამიანებს, ვისაც ყველაზე მეტად უჭირთ, ჩვენი თანადგომა ყველაზე მეტად სჭირდება. საბოლოო ჯამში, ასეთი პროექტები დედაქალაქის ათივე რაიონში განხორციელდება“, - განაცხადა კახა კალაძემ.

მისი თქმით, შემუშავდა გამგეობების მიერ სამედიცინო მომსახურებისა და მედიკამენტების დაფინანსების წესი. ჯანდაცვის პროგრამებს კი, ღვიძლის ტრანსპლანტაციისა და ფარისებრი ჯირკვლის კიბოს მართვის პროგრამები დაემატა.

კახა კალაძის განცხადებით, საცხოვრებელი ფართები დაუკანონდა 280 ოჯახს. აღნიშნული პროცესი კი, მომავალშიც გაგრძელდება.

თბილისის მერის საქმიანობის 100 დღის ანგარიში შვიდ ძირითად მიმართულებას - ურბანული განვითარების, სატრანსპორტო, სოციალური, ეკონომიკური, ეკოლოგიური, განათლების, კულტურის, ჯანსაღი ცხოვრების წესისა და ახალგაზრდობის, ასევე, მართვის პოლიტიკას მოიცავს.

ეროვნული მუზეუმის ეზოში გამართულ პრეზენტაციას თბილისის მუნიციპალიტეტის მერიის, გამგეობების, საკრებულოსა და საკანონმდებლო ორგანოს, დიპლომატიური კორპუსისა და საზოგადოების წარმომადგენლები ესწრებოდნენ. 

(NS)

ავტორი: ,

სოციალური ქსელები

ვენესუელის ოპოზიციის ლიდერი მარია კორინა მაჩადო ვენესუელაში დაბრუნდა

ვორონეჟში, დრონების თავდასხმის შედეგად ორი ადამიანი დაიღუპა და სულ მცირე 17 დაშავდა

ქართველი ებრაელი ქალი 7 ოქტომბრის ხოცვა-ჟლეტაში მონაწილე ტერორისტების ისტორიულ სასამართლო პროცესებს უხელმძღვანელებს

ნობელის პრემიის მიღების გადაწყვეტილების გამო, ტრამპმა ნორვეგიას „ტუალეტის ქვეყანა“ უწოდა