უკრაინის პრეზიდენტი პეტრო პოროშენკო მესაზღვრეების გუშინდელ მუშაობას დადებითად აფასებს.

როგორც პოროშენკომ განმარტა, მათი მთავარი მისია სისხლისღვრის თავიდან არიდება იყო, რასაც პრეზიდენტის თქმით, თავი გაართვეს.

"ჩვენმა მესაზღვრეებმა საუკეთესოდ შეასრულეს თავისი სამსახური, მოიქცნენ სწორად და არ გამოიყენეს იარაღი, რომლის გამოყენების იურიდიული უფლება გააჩნდათ. მათ არ მისცეს ამ პოლიტიკანებს იმისა საშუალება, რომ ქვეყანაში ცეცხლი გაღვივებულიყო", - განაცხადა პოროშენკომ.

ამასთან, პრეზიდენტის განმარტებით, ინციდენტში სამართალდამცველები ერკვევიან და გამოძიება უკვე მიმდინარეობს. გარდა ამისა, პოროშენკომ იმედი გამოთქვა, რომ მიხეილ სააკაშვილი ამგვარი დაჟინებით შეეცდება საქართველოში შესვლას.

„იმედი მაქვს, რომ ეს ბატონი ასეთივე დაჟინებით შეეცდება საქართველოში გზის გაკაფვას, როგორც უკრაინაში შეეცადა“, - აღნიშნა პეტრო პოროშენკომ.

შეგახსენებთ, შეგახსენებთ, მიხეილ სააკაშვილი გუშინ მხარდამჭერებთან ერთად პოლონეთიდან უკრაინაში ჩავიდა. საზღვარზე მას სამართალდამცველების კორდონი დახვდა თუმცა, სააკაშვილის მხარდამჭერებმა კორდონი გაარღვიეს. იგი ამჟამად ლვოვში, ერთ-ერთ სასტუმროში იმყოფება.

ავტორი: ,

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა