საქალაქო სასამართლოში მერიის თანამშრომლის, ოთარ აბესაძისთვის აღკვეთის ღონისძიების შეფარდებაზე მსჯელობენ.

პროკურატურა აბესაძისთვის აღკვეთის ღონისძიების სახით პატიმრობის შეფარდებას ითხოვს.

როგორც პროკურორმა ირაკლი მარშანიამ აღნიშნა, ამ დროისთვის გამოძიებას აქვს ყველა საჭირო დოკუმენტი იმისთვის, რომ ჰქონდეთ დასაბუთებული ვარაუდი, რომ ოთარ აბესაძემ ნამდვილად აიღო ქრთამი 3000 დოლარის ოდენობით.

„გამოძიების ამ ეტაპზე არსებობს დასაბუთებული ვარაუდი, რომ ქალაქ თბილისის მერიის ადმინისტრაციის თანამშრომელი ოთარ აბესაძე დაპირდა მოქალაქეს, რომ თანამდებობრივი მდგომარეობის გამოყენებით დაეხმარებოდა მას მტკვარზე, ტივზე კაფის გახსნასა და შესაბამისი ინფრასტრუქტურის მოწყობაში. გარდა ამისა, დაპირდა, რომ გაუწევდა სამსახურეობრივ მფარველობას მერიის ზედამხედველობის სამსახურების წინაშე, რითაც დაუბრკოლებლად მისცემდა სარემონტო სამუშაოების ჩატარების უფლებას. აღნიშნულის სანაცვლოდ მან მოქალაქეს ქრთამის სახით 3000 ამერიკული დოლარი გამოართვა“, - განაცხადა პროკურორმა.

მისივე თქმით, საუბრისას ახსენებს სხვა მაღალჩინოსანსაც, თუმცა ვისი სახელით და თანამდებობით სარგებლობდა აბესაძე, ამ ეტაპზე არ კონკრეტდება.

„მოცემულ საქმეზე არსებობს როგორც სატელეფონო ჩანაწერები, ასევე ვიდეო-აუდიო ჩანაწერები. ამ ეტაპზე სხვას ვერაფერ მოგახსენებთ, მაგრამ მერიის თანამშრომლების სახელებს იყენებს“, - განაცხადა პროკურორმა.

ცნობისთვის, ოთარ აბესაძეს ქრთამის აღება ედება ბრალად. გამოძიების ვერსიით, მან ერთ-ერთ რესტორანს მშენებლობისთვის საჭირო ნებართვების მიღების სანაცვლოდ 3000 დოლარი გამოართვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს