სოფლის მეურნეობის მინისტრი ლევან დავითაშვილი საქართველოს სავაჭრო-სამრეწველო პალატის საბჭოს მე-2 გაფართოებულ სხდომას დაესწრო.

საბჭო  37 ბიზნესასოციაციას, მათ შორის, სოფლის მეურნეობის დარგობრივ ასოცოაციებს  აერთიანებს.

ბიზნესწრეების წარმომადგენლებთან შეხვედრაზე მინისტრმა სოფლის მეურნეობის სექტორში არსებულ მდომარეობაზე, განხორციელებულ რეფორმებსა და სისტემურ ცვლილებებზე ისაუბრა.

ლევან დავითაშვილმა  საბჭოს წევრებს სოფლის მეურნეობის სამინისტროს მიერ შემუშავებული სახელმწოფო პროგრამები გააცნო და დარგის განვითარების  მიმართულებით  მიღწეულ შედეგებზე ისაუბრა.

როგორც მინისტრმა აღნიშნა, საქართველოში  არსებობს სოფლის მეურნეობის განვითარების დიდი პოტენციალი, რაც მაქსიმალურად უნდა იყოს ათვისებული.

 მისივე თქმით, ამ პროცესში კი ბიზნესსექტორის აქტიური ჩართულობა მნიშვნელოვანია.

,,პირდაპირი კომუნიკაცი ბიზნესექტორის წარმომადგენლებთან საშუალებას იძლევა მოხდეს დარგში არსებული პრობლემების, გამოწვევების იდენტიფიცირება, მათი გადაჭრის გზების განხილვა და მსჯელობა. ჩვენთვის მნიშვნელოვანია, რომ ის გადაწყვეტილებები, რასაც სახელმწიფო მიიღებს, შეჯერებული იყოს კერძო სექტორის წარმომადგენლებთან“, - აღნიშნა ლევან დავითაშვილმა.

გაფართოებულ სხდომაზე, საქართველოს სავაჭრო-სამრეწველო პალატის საბჭოს პრეზიდენტმა, ნინო ჩიქოვანმა აღნიშნა, რომ  საბჭო  ორი ძირითადი მიმართულებით - რეგიონებში  მცირე და საშუალო მეწარმეების და ევროკავშირთან თავისუფალი ვაჭრობის ცენრების ხელშეწყობის კუთხით აქტიურად მუშაობს.

ორივე  ამ მიმართულებით მუშაობას სავაჭრო-სამრეწველო პალატა   სოფლის მეურნეობის  და ეკონომიკისა და მდგრადი განვითარების სამინისტროების მხარდაჭერით ახორციელებს.

,,სავაჭრო-სამრეწველო პალატის საბჭოს დაგეგმილი აქვს რეგიონული,  დარგობრივი ასოციაციების დაფუძნება და რეგიონებში სამინისტროების  წარმომადგენლებთან შეხვედრების ორგანიზება. ეს კიდევ უფრო გააქტიურებს სახელმწიფო და კერძო სექტორის კომუნიკაციას“, - აღნიშნა ნინო ჩიქოვანმა.

სხდომის ფარგლებში გაიმართა დისკუსია. სოფლის მეურნეობის მინისტრმა საბჭოს წევრების ყველა შეკითხვას  ამომწურავი პასუხი გასცა.

საქართველოს სავაჭრო-სამრეწველო პალატის საბჭოს  მე-2 გაფართოებულ სხდომაზე პალატის ახალი სტრატეგის პრეზენტაცია გაიმართა.

ღონისძიების ფარგლებში, პალატის ახალ წევრებად კახეთის მეღვინეთა გილდია  და მეწარმე ქალთა საბჭო, ხოლო თანადამფუძნებლად მემწვანილეთა ასოციაცია   მიიღეს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პირველმა არხმა ფეხბურთში 2026 წლის მსოფლიო ჩემპიონატის ჩვენების ლიცენზია დაკარგა

საქართველოში შემაშფოთებელი ტენდენციებია - მედიის თავისუფლების კოალიციის 16 წევრი ქვეყანა

კობახიძე - გვქონდა საინტერესო საუბრები ევროპელ ლიდერებთან

კობახიძე ამბობს, რომ დიუშენით დაავადებული ბავშვებისთვის არც 1 და არც 50 თეთრი არ ენანება, თუმცა ფარმაცევტულ მაფიაზე მტკიცებულებების გარეშე საუბრობს