ზურაბ პატარაძემ ოჯახთან და მთავრობის წარმომადგენლებთან ერთად, დაუნის მსოფლიო დღისადმი მიძღვნილ ღონისძიებაში მიიღო მონაწილეობა

2017-03-21 13:46:01, 1405 ნახვა

საზოგადოება

აჭარის მთავრობის თავმჯდომარემ ზურაბ პატარაძემ ოჯახთან და მთავრობის წარმომადგენლებთან ერთად, მონაწილეობა მიიღო დაუნის მსოფლიო დღისადმიმიძღვნილ ღონისძიებაში, რომელიც ,,საქართველოს დაუნის სინდრომის ასოციაციის'' ინიციატივით აჭარის საზოგადოებრივი ჯანდაცვის ცენტრის, აჭარის ჯანდაცვისადა განათლების სამინისტროს ორგანიზებით განხორციელდა.

ღონისძიებაში ,,ჩაქვის სარეაბილიტაციო ცენტრის", ბათუმის განათლების, განვითარებისა და დასაქმებისცენტრის ბავშვები მონაწილეობდნენ. ღონისძიების ფარგლებში გაიმართა სპეციალური მაისურებით მსვლელობა, დარიგდა ფლაერები. ბათუმის თოჯინებისა დამოზარდმაყურებელთა თეატრში დაუნის სინდრომის მქონე და შშმ ბავშვებისთვის სპექტაკლი ჩატარდა.

ღონისძიების მიზანი ერთი მხრივ საზოგადოების ინფორმირება, ცნობიერების ამაღლება და მხარდაჭერის მოპოვებაა, ხოლო მეორე მხრივ კი - დაუნის სინდრომისმქონე ადამიანთა საზოგადოებაში ინტეგრაციას, მათი სრულფასოვანი ცხოვრების ხარისხის ზრდა.

აჭარის სამედიცინო დაწესებულებების მიერ მოწოდებული ინფორმაციის თანახმად, 2017 წლის 1 იანვრის მდგომარეობით აჭარაში სულ რეგისტრირებულია 33დაუნის სინდრომის მქონე პირი, მათ შორის 25 - 15 წლამდე ასაკისაა.

2017 წლის მესიჯია - „ჩემი ხმა საზოგადოებაში". იგი ინიცირებულია დაუნის სინდრომის საერთაშორისო ორგანიზაციის მიერ. უკვე მეოთხე წელია, რაც დამკვიდრდაუთვალავი წინდის ტრადიცია „Lot`s of Socks", რომლის მიზანიც მასობრივი სოლიდარობის ორიგინალურად გამოხატვაა. ფერადი წინდის უცნაური ტარებითადამიანები იქცევენ გარშემომყოფთა ყურადღებას და ხდებიან ინფორმაციის გამავრცელებლები.

დაუნის სინდრომის მქონე ადამიანთა მსოფლიო დღის არსებობა გამოწვეულია სწორედ დაუნის სინდრომის მქონე პირთა მიმართ არსებული სტიგმებისა დასტერეოტიპების გამო მთელს მსოფლიოში. მიუხედავად იმისა, რომ ცივილიზებული სამყარო ძალიან ბევრს შრომობს დს ადამიანთა სრულფასოვან ინტეგრაციასა დაჰარმონიულ თანაცხოვრებაზე საზოგადოებაში, პრობლემები საზოგადოების მხრიდან სტიგმები და გაუცხოება მაინც არსებობს.

21 მარტი - გაერთიანებული ერების ორგანიზაციის ეგიდით 2011 წლის 10 ნოემბერს დაწესდა და მსოფლიოს უმრავლეს ქვეყანაში, მათ შორის საქართველოშიც,აღინიშნება.

(NS)