რომის პაპი ფრანცისკე აშშ-ის ახალ პრეზიდენტს დონალდ ტრამპს მოუწოდებს, ეთიკური ღირებულებებით იხელმძღვანელოს და ამ მძიმე განსაცდელის ჟამს ხალხზე იზრუნოს, - ამის შესახებ ინფორმაციას Radiovaticana ავრცელებს.

როგორც ფრანცისკემ აღნიშნა, ახალმა პრეზიდენტმა სწორი გადაწყვეტილებები უნდა მიიღოს, რაც ამერიკელი ხალხის ისტორიის ფორმირებას მოახდენს.

"იმ დროს, როდესაც კაცობრიობა სერიოზულ ჰუმანიტარულ კრიზისს განიცდის, ვლოცულობ, რომ თქვენი გადაწყვეტილება მდიდარი სულიერი და ეთიკური ღირებულებებით იყოს ნაკარნახევი, რაც ამერიკელი ხალხის ისტორიის ფორმირებას მოახდენს", - განაცხადა პაპმა.

როგორც ცნობილია, ამერიკის ახალმა პრეზიდენტმა თანამდებობის დაკავების შემდეგ პირველი გადაწყვეტილება უკვე მიიღო და  ჯანდაცვის რეფორმა Obamacare-ის გაუქმების შესახებ განკარგულებას ხელი მოაწერა.

ცნობისთვის, ამერიკის პრეზიდენტს არ შეუძლია ჯანდაცვის კანონი ერთპიროვნულად გააუქმოს, თუმცა დონალდ ტრამპმა და სხვა რესპუბლიკელებმა პირობა დადეს, რომ სენატში ყველა საჭირო ნაბიჯს გადადგამენ და Obamacare-ის სახელით ცნობილ აქტს აუცილებლად გააუქმებენ.

ამასთან, სენატმა თავდაცვის მდივნისა და ეროვნული უსაფრთხოების მდივნის პოსტებზე ჯეიმს მატისი და ჯონ კელი დაამტკიცა.

შეგახსენებთ, რომ ამერიკის შეერთებული შტატების 45-ე პრეზიდენტის დონალდ ტრამპის ინაუგურაცია გუშინ შედგა. რესპუბლიკელმა აღნიშნულ თანამდებობაზე დემოკრატი ბარაკ ობამა ჩაანაცვლა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მთავრობის ადმინისტრაცია ილია მეორის დაკრძალვის ხარჯებზე - სარეზერვო ფონდიდან 3 მილიონი გამოიყო, შემდეგ კი ეს თანხა 722 645 ლარამდე დაკორექტირდა და 2 277 355 ლარი ბიუჯეტში დაბრუნდა

რუსეთმა სამხედრო ბიუჯეტის დასაფინანსებლად 1998 წლის შემდეგ ყველაზე დიდი ოქროს მარაგის გაყიდვა განახორციელა.

საფრანგეთში არეულობის შედეგად მიყენებულმა ზარალმა 1 მილიარდ ევროს გადააჭარბა

WSJ: ილონ მასკმა უკრაინელი სამხედროებისთვის Starlink-ის შენელების ბრძანება გასცა