2017-01-21 16:04:47, 2877 ნახვა
მსოფლიო
პირველი უცხოელი ლიდერი, რომელსაც ტრამპი შეხვდება, ტერეზა მეი იქნება
ბრიტანეთის პრემიერ–მინისტრი ტერეზა მეი აშშ–ის ახალ პრეზიდენტთან დონალდ ტრამპთან შესახვედრად ვაშინგტონში მომავალ კვირას ჩავა.
ამის შესახებ Daily Telegraph იუწყება.
მთავარ განსახილველ თემათა შორის აშშ–ბრიტანეთის სავაჭრო ხელშეკრულება, რუსეთთან ურთიერთობა და ნატო–ს ფარგლებში თანამშრომლობა იქნება.
მეის თქმით, ბრიტანეთი აშშ–რუსეთის დიალოგის წინააღმდეგი არაა, თუმცა ამ ეტაპზე რუსეთთან პარტნიორული ურთიერთობა გამორიცხულია.
მეის ასევე ნატო–ს ფარგლებში თანამშრომლობის გაღრმავება სურს, ამისთვის მეი ბრიტანეთის სამხედრო ბიუჯეტის გაზრდას მშპ–ს 2%–მდე გეგმავს.
გაზეთის ინფორმაციით, მეის ტრამპთან იგივე ურთიერთობის დამყარება სუს, რაც მარგარეთ ტეტჩერსა და რონალდ რეიგანს ჰქონდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
