|
2016-11-06 17:04:27, 752 ნახვა
პოლიტიკა
თალაკვაძე: გამოვიყენებთ ყველა კვოტას, მანდატს იმისათვის, რომ პარლამენტში დინამიური პროცესები უზრუნველყოფილი იყოს
საპარლამენტო უმრავლესობის ახალარჩეული ლიდერის არჩილ თალაკვაძის განცხადებით, პირველი სამუშაო იმ პრიორიტეტების გარშემო იქნება, როგორიცაა-ეკონომიკის განვითარება, ახალი სამუშაო ადგილების შექმნა, განათლების სისტემის შემდგომი რეფორმირება, ინფრასტრუქტურის განახლება და მმართველობის რეფორმა. „მე მაქვს 4 წლიანი გამოცდილება აღმასრულებელ ხელისუფლებაში საქმიანობის და ბევრ ადამიანთან, რომელიც დღეს არის ჩვენს გუნდში, მქონდა პირადი საქმიანი ურთიერთობა და ჩემთვის რეალურად ცნობილია ის დიდი პოტენციალი, რომელიც ჩვენს გუნდშია. უმრავლესობის ლიდერის ამოცანა და ფუნქციაა, კარგი კოორდინაციის უზრუნველყოფა. ასევე მედიასთან ეფექტური კოორდინაციის უზრუნველყოფა და ყველა იმ შესაძლებლობის და შანსის გამოყენება, რომელიც დღეს სჭირდება საქართველოს სწრაფი განვითარებისთვის“,-განაცხადა თალაკვაძემ. რაც შეეხება აღმასრულებელ ხელისუფლებაში თანამდებობების გადანაწილებას, თალაკვაძის თქმით, აღნიშნულთან დაკავშირებით, კონსულტაციები მიმდინარეობს. ამასთან, თალაკვაძე არ საუბრობს იმაზე, თუ რამდენი ფრაქცია შეიქმნება: „პარლამენტის მუშაობის დაწყებამდე დროა.ამ დროისთვის ცნობილია, რომ შეიქმნება ფრაქცია „ქართული ოცნება“ მამუკა მდინარაძის ხელმძღვანელობით. რა ფრაქციები იქნება, ამაზე კონსულტაციები შედგება. გამოვიყენებთ ყველა შესაძლებლობას, ყველა კვოტას, მანდატს იმისათვის, რომ პარლამენტში იყოს უზრუნველყოფილი ძალიან დინამიური პროცესები და ფრაქციები არის ამის ერთ- ერთი მნიშვნელოვანი ინსტურმენტი. ამიტომ, ამ შანსებს მე-9 მოწვევის პარლამენტში მაქსიმალურად გამოვიყენებთ“,-აღნიშნა თალაკვაძემ.
ბოჭორიშვილი: მაისში სახელმწიფო დეპარტამენტის წარმომადგენლების ვიზიტი იქნება საქართველოში
პუტინმა ტრამპს განუცხადა, რომ მზადაა 9 მაისს უკრაინაში დროებითი ცეცხლის შეწყვეტა გამოაცხადოს
თურქეთმა რუსებისთვის ბინადრობის ნებართვის მიღების საფასური თითქმის 15-ჯერ გაზარდა
ბათუმში სამსართულიან საცხოვრებელ სახლში ხანძარია
|
რედაქტორის რჩევით
რატომ შეხვდნენ ოცნების მინისტრები, ჩინეთის ინტერნეტის ცენზორს
რეპრესიების არქიტექტურა – სამოქალაქო საზოგადოების გამოწვევები ავტორიტარული ტენდენციების პირობებში
ომი უკრაინაში
ტრამპთან უთანხმოების გამო, უკრაინაში ერთ წელიწადში აშშ-ის მეორე ელჩი თანამდებობას დატოვებს
რუსეთმა ოდესაზე იერიში მიიტანა: 10 ადამიანი დაშავდა, მათ შორის 2 ბავშვი
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)