უახლოეს მომავალში ჩვენს მოქალაქეებს ექნებათ შესაძლებლობა ვიზების გარეშე იმოგზაურონ ევროპულ ქვეყნებში და ეს დიდი წინგადადგმული ნაბიჯია, - ამის შესახებ "ქართული ოცნების" წევრმა კახა კალაძემ "რუსთავი 2"-ის ეთერში განაცხადა.

როგორც "ქართული ოცნების" შტაბის ხელმძღვანელმა აღნიშნა, ეს არის კიდევ ერთი დასტური იმისა, რომ საქართველოს განვითარებას ვერავინ და ვერაფერი შეაჩერებს.

„მინდა გამოვეხმაურო დღეს ძალიან მნიშვნელოვან მოვლენას. როგორც მოგეხსენებათ, ევროკავშირის წევრმა ქვეყნებმა დღეს მიიღეს გადაწყვეტილება ვიზალიბერალიზაციასთან დაკავშირებით. მინდა სრულიად საქართველოს მივულოცო პოლიტიკური გადაწყვეტილება, რომ უახლოეს მომავალში ჩვენს მოქალაქეებს ექნებათ შესაძლებლობა ვიზების გარეშე იმოგზაურონ ევროპულ ქვეყნებში და ეს დიდი წინგადადგმული ნაბიჯია. ეს არის კიდევ ერთი დასტური იმისა, რომ ჩვენი ქვეყნის განვითარებას ვერავინ და ვერაფერი შეაჩერებს, რომელიც განვითარების ძალიან მნიშვნელოვან სტადიაზე იმყოფება. მთლიანად ჩვენი გუნდი ყველაფერს გააკეთებს იმისთვის, რომ ეს განვითარება იყოს შეუქცევადი“, - განაცხადა კახა კალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოში მენეჯერების პოზიციაზე ქალების ხელფასი საშუალოდ 2 713 ლარია, ხოლო კაცების — 4 312 ლარი

ელენე ხოშტარია: იკრძალება არა 5, არამედ 7 პარტია

OSСEPA-ს პრეზიდენტი შეშფოთებულია საქართველოში ოპოზიციური პარტიების აკრძალვის მცდელობით

ბერდია სიჭინავა - ჩორჩანა ოკუპაციას რომ გადარჩა, ეს შემდგარი ფაქტია