ჩვენ მოვისმინეთ პოლიტიკურად გაკოტრებული ლიდერების განცხადებები რევოლუციებთან დაკავშირებით, თუმცა მინდა, დავარწმუნო ჩვენი ქვეყნის მოსახლეობა, რომ გაკოტრებულ ლიდერებს არაფერი არ გამოუვათ, - ასეთი კომენტარი გააკეთა პარტია „ქართული ოცნება-დემოკრატიული საქართველოს“ გენერალურმა მდივანმა კახა კალაძემ შესაძლო დესატბილიზაციაზე განცხადებების შესახებ.

 „ჩვენ ვმოქმედებთ კანონის ფარგლებში. ვინც გადატრიალებას, რევოლუციას, სისხლის ღვრას დააპირებს, კანონის მთელი სიმკაცრით დაისჯება. სამწუხაროა ის ფაქტი, რომ თავად ამ ადამიანების საუბრის შინაარსიდან გამომდინარე, აშკარად იკვეთება ტელეკომპანია „რუსათავი 2“-ის ჩართულობა და გამოყენება ბნელი ზრახვების განსახორციელებლად. აქ საუბარი იყო ეგზიტპოლებზეც. ჩვენ ვიცით, რა განცხდადებები გაკეთდა - „რუსთავი 2“ აპირებს ეგზიტპოლების გამოქვეყნებას. ზოგადად კვლევები, რომელიც უკვე გამოაქვეყნეს, ისიც გაყალბებულია. ჩვენც ვატარებთ კვლევებს, აბსოლუტურად განსხვავებული შედეგებია. ამიტომ, სცენარის მიხედვით, უნდა გამოქვეყნებულიყო გაყალბებული კვლევები, არჩევნების დღეს კი - ეგზიტპოლები, შემდეგ, თითქოს ხმების დაცვის მიზნით, უნდა მოხდეს ხალხის გამოყვანა ქუჩაში. ეს არის ამ გაკოტრებული პოლიტიკური გუნდის ბნელი ზრახვები. კიდევ ერთხელ ვიმეორებ, არავის არაფერი არ გამოუვა ჩვენ ვიმოქმდებთ კანონის ფარგლებში“,-აღნიშნა კახა კალაძემ.

მისივე განმარტებით, , „ქართულ ოცნებას“ აქვს შიდა კვლევები, გარდა ამისა, კალაძის თქმითვე,  გუშინ კონკრეტულმა პირებმა წარმოადგინეს დოკუმენტები, რა იყო რეალური შედეგები და რა შედეგები გამოაქვეყნა „რუსთავი 2“-მა.

 „ეს არის ერთი სცენარი, რომლის განხორციელებასაც გაკოტრებული პოლიტიკური ძალის ლიდერები აპირებენ. ველზე ვინც მუშაობდა, ვიცნობთ ამ კომპანიას, ეს არის „ნაციონალური მოძრაობის“ წევრის, ლევან თარხნიშვილის მეუღლის კომპანია, რომელიც ცნობილია საარჩევნო ხმების მოპარვით. ეს არის სამარცხვინო“,-განაცხადა კახა კალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს