იზორია: ჯარისკაცი თავს უსაფრთხოდ უნდა გრძნობდეს წვრთნებზეც და მშვიდობიანობის დროსაც

2016-09-01 17:57:22, 1038 ნახვა

სამხედრო

თავდაცვის მინისტრი ოპოზიციური პარტიების ბრალდებებს პასუხობს, რომლებმაც გუშინდელი განცხადების შემდეგ ლევან იზორია ჯარის დისკრედიტაციაში დაადანაშაულეს.

როგორც თავდაცვის მინისტრმა აღნიშნა, სახელმწიფომ ჯარისკაცებს ყველა პირობა უნდა შეუქმნას და საფრთხეებისგან დაიცვას.

“ჩემი განცხადება ემსახურება, რომ დავიცვათ ჯარისკაცის უსაფრთხოება და ყველა სამხედრომ ღირსეულად იგრძნოს თავი. ჯარისკაცი წვრთნების დროსაც უნდა გრძნობდეს თავს უსაფრთხოდ და მშვიდობიანობის დროსაც. ჯარისკაცს სახელმწიფომ ყველა პირობა უნდა შეუქმნას, მათ შორის იმ საფრთხეებისგან დაიცვას, რომელიც მის სიცოცხლეს ან ჯანმრთელობას ემუქრება. მე, როგორც თავდაცვის მინისტრი ვალდებული ვარ, ამ საფრთხეებზე ვიზრუნო და თუ არსებობს რაღაც ხარვეზები, ვალდებული ვარ იგი აღმოვფხვრა და საჯაროდ ვილაპარაკო, ჯარისკაცის ინტერესებიდან გამომდინარე", - განაცხადა იზორიამ.