შინაგან საქმეთა მინისტრი გიორგი მღებრიშვილი აშშ-ს ჯორჯიის შტატის გამოძიების ბიუროს ხელმძღვანელს, ვერნან ქანანს შეხვდა.

შსს-ს ინფორმაციით, შეხვედრას ჯორჯიის შტატის საზოგადოებრივი უსაფრთხოების სასწავლო ცენტრის პროფესორი დეილ მენი, სახელმწიფო ანტინარკოტიკული და სამართალდამცავ ორგანოებთან ურთიერთობის საერთაშორისო ბიუროს (INL) პროგრამის კოორდინატორები და საქართველოში აშშ-ს საელჩოს წარმომადგენლები ესწრებოდნენ.

მხარეებმა ორ ქვეყნას შორის სამართლდამცავ სფეროში არსებული თანამშრომლობის ფარგლებში მიღწეული პროგრესი და სამომავლო გეგმები განიხლეს.

შს მინისტრმა აშშ-ს სახელმწიფო დეპარტამენტსა და INL-ს მრავალწლიანი თანამშრომლობის შედეგად განხორციელებული წარმატებული პროექტებისთვის, ასევე, საქართველოს ევროატლანტიკური ინტეგრაციის კუთხით გატარებული რეფორმების პროცესში დახმარებისთვის მადლობა გადაუხადა.

გიორგი მღებრიშვილმა ყურადღება გაამახვილა იმ მნიშვნელოვან პროექტებზე, რომლებიც საქართველოს შს სამინისტროში აშშ–ს მხარდაჭერით ხორციელდება, მათ შორისაა, საზღვრის უსაფრთხოების უზრუნველყოფა და საპატრულო პოლიციის ტექნიკური აღჭურვა.

შეხვედრაზე შს მინისტრმა შსს-ს აკადემიის რეგიონალურ ცენტრად ჩამოყალიბების პროექტის შესახებაც ისაუბრა, რომლის განხორციელებაც უხალოეს მომავალში აშშ-ს სახელმწიფო დეპარტამენტის მხარდაჭერით დაიწყება.

აშშ-ს დელეგაციის წევრებმა გიორგი მღებრიშვილს შს სამინისტროში მიმდინარე და დეგეგმილი რეფორმების განხორციელებაში სრული მხარადაჭერა გამოუცხადეს. როგორც აშშ-ს ჯორჯიის შტატის გამოძიების ბიუროს ხელმძღვანელმა შს მინისტრთან საუბრისას აღნიშნა: „ჩვენ ერთიანი საპოლიციო საზოგადოების წარმომადგენლები ვართ, ერთნაირი პრობლემებით. ამიტომ გამოცდილების გაზიარებას და პარტნიორობას დიდი მნიშვნელობა აქვს“.

ვერნან ქანანმა გიორგი მღებრიშვილი კალიფორნიაში, სან დიეგოში, პოლიციის ხელმძღვანელ პირთა საერთაშორისო ასოციაციის კონფერენციაზე მიიწვია, რომელიც მიმდინარე წლის ოქტომბერშია დაგეგმილი. ამერიკულმა მხარემ საქართველოს შს მინისტრს ასოციაციაში გაწევრიანება ოფიციალურად შესთავაზა.

გიორგი მღებრიშვილმა მიწვევისა და შეთავაზებისთვის ამერიკელ კოლეგებს მადლობა გადაუხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნაკრების ყოფილი კაპიტანი გიორგი ნემსაძე 54 წლის ასაკში გარდაიცვალა

საკონსტიტუციო სასამართლოს სხდომიდან გააძევეს ხატია დეკანოიძე - ივანიშვილის დაკითხვის შუამდგომლობა არ დაკმაყოფილდა

კობახიძეს მიაჩნია რომ საკონსტიტუციო სასამართლოში არა ოპოზიციას არამედ უცხოურ აგენტურას კრძალავს

მიხეილ სააკაშვილისა და ლევან ხაბეიშვილის დაკითხვაზე საკონსტიტუციომ შუამდგომლობა არ დააკმაყოფილა