საქართველოს საკონსტიტუციო სასამართლო ხუთი ოპოზიციური პარტიის არაკონსტიტუციურად ცნობის, მათი აკრძალვისა და რეგისტრაციის გაუქმების შესახებ "ქართული ოცნების" სარჩელის განხილვასდღეიდან იწყებს. 

 პარალელურად, ადგილზე ოპოზიციური პოლიტიკური პარტიების წარმომადგენლები და მოქალაქეები არიან შეკრებილები. 

"ნაციონალური მოძრაობის" წევრი, ანა წითლიძე ამბობს, რომ ოპოზიციის აკრძალვის გადაწყვეტილება წინასწარ არის დაწერილი.

ეს სარჩელი არის არა პოლიტიკური პარტიების აკრძალვის შესახებ, არამედ ეს არის რუსეთსი სარჩელი საქართველოს სუვერენიტეტის და საქართველოს თავისუფლების წინააღმდეგ. ამიტომაც დღეს აქ ოპოზიცია იცავს საქართველოს  სუვერენიტეტს ქართული ოცნებისგან, რეალურად კი რუსული ოცნებისგან. ამიტომ ჩვენ მოლოდინი არ გვაქვს, რომ საკონსტიტუციო სასამართლოს მოსამართლეები ობიექტურ გადაწყვეტილებას მიიღებენ, რადგან ეს მოლოდინი რომ გვქონოდა, მათ ტავიდანვე არაკონსტიტუციურად უნდა მიეჩნიათ ეს სარჩელი. არსით ამ სარჩელს არანაირი საერთოს ამართლებრივ პროცესებთან არ აქვს. ამიტომაც, საკონსტიტუციო სასამართლსო სხვა გადაწყვეტილებსი მიღება რომ სდომოდა საერთოდ არ უნდა მიეღო წარმოებაში ეს სარჩელი. ისინი მიიღებენ იმ გადაწყვეტილებას, რასაც დაავალებს ბიძინა ივანიშვილი. წინასწარ იციან, რა გადაწყვეტილებასაც მიიღებენ", - ამბობს ანი წითლიძე.  

სარჩელით „ოცნება“ ითხოვს პოლიტიკური პარტიების: „ერთიანობა – ნაციონალური მოძრაობა“, „კოალიცია ცვლილებისთვის გვარამია მელია გირჩი დროა“, „ძლიერი საქართველო – ლელო, ხალხისთვის, თავისუფლებისთვის!“, „ფედერალისტური პარტია“, „გახარია საქართველოსთვის“ საქმიანობის არაკონსტიტუციურად ცნობას და მათ აკრძალვას.

სარჩელს 21, 22 და 23 ოქტომბერს საქართველოს საკონსტიტუციო სასამართლოს პლენუმი განიხილავს, რომლის შემადგენლობაშიც შედიან მოსამართლეები: რევაზ ნადარაია [სხდომის თავმჯდომარე], ევა გოცირიძე; გიორგი თევდორაშვილი; გოგა კიკილაშვილი; სერგო მეთოფიშვილი; გიორგი მოდებაძე; ვასილ როინიშვილი [მომხსენებელი მოსამართლე].

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

საკონსტიტუციო სასამართლოს წინ ხალხი იკრიბება, ადგილზე მობილიზებულია პოლიცია

Porsche Mission S - სპორტული ავტომობილის ახლებური გააზრება

ქვეყნის მასშტაბით სამართალდამცველებმა ნარკოდანაშაულის ბრალდებით 142 პირი დააკავეს, მათ შორის ნარკორეალიზაციაში სხვადასხვა ფორმით ჩართული 62 პირია

აქტივისტმა თამარ ლორთქიფანიძემ საპატიმრო დატოვა