უკრაინის პრეზიდენტმა, ვოლოდიმირ ზელენსკიმ უკრაინის წინააღმდეგ რუსეთის აგრესიის გამოსაძიებლად სპეციალური ტრიბუნალის შექმნის შეთანხმების რატიფიცირების დოკუმენტებს მოაწერა ხელი.

ამის შესახებ ზელენსკი X-ზე წერს.

"ახლახან ხელი მოვაწერე უკრაინის წინააღმდეგ რუსეთის აგრესიის დანაშაულის გამოსაძიებლად სპეციალური ტრიბუნალის შექმნის შეთანხმების რატიფიცირების დოკუმენტებს. 

ეს შეთანხმება ცოტა ხნის წინ ჩვენს სახელმწიფოსა და ევროსაბჭოს შორის გაფორმდა და ახლა საჭიროა, რომ დროულად რატიფიცირდეს, რათა ტრიბუნალის შექმნის რეალური პროცესი დაიწყოს. ასევე გავეცი დავალება, რომ რაც შეიძლება მალე საჭირო საკანონმდებლო ჩასწორებები მომზადდეს და უკრაინის უმაღლეს რადას გადაეცეს, რათა ჩვენი მხრიდან შეთანხმების სრულად შესასრულებლად ყველაფერი მზად იყოს. პარლამენტის წევრებს მოვუწოდებ, რომ ეს საკითხი დაუყოვნებლივ განიხილონ.

ასევე მოველი, რომ უკრაინის საგარეო საქმეთა სამინისტრო და პრეზიდენტის ოფისი სწრაფად წარმოადგენენ შეთანხმების შესრულებაზე ჩვენს პარტნიორებთან ერთად მუშაობისა და ინსტიტუტის ფორმალურად შექმნის ნათელ გრაფიკს. 

რუსეთმა უკვე წელს უნდა იგრძნობს, რომ აგრესიის დანაშაულისთვის ანგარიშვალდებულება გარდაუვალია და რომ ნამდვილად დაიწყო საერთაშორისო სამართლებრივი პროცესი, რათა მან პასუხი აგოს. აგრეისა დანაშაულია და რუსეთისთვის რეალური, გარდაუვალი სასჯელი ამ დანაშაულისთვის გლობალური საზრუნავია, რომელსაც იზიარებს ყველა, ვისაც თავისი ერისთვის მშვიდობიანი ცხოვრება სურს". - წერს ზელენსკი.

შეგახსენებთ, რომ 25 ივნისს უკრაინის პრეზიდენტმა, ვოლოდიმირ ზელენსკიმ და ევროპის საბჭოს გენერალურმა მდივანმა, ალენ ბერსემ რუსეთის მიერ უკრაინის წინააღმდეგ აგრესიის დანაშაულის გამოსაძიებლად სპეციალური ტრიბუნალის შექმნის შესახებ შეთანხმებას ხელი მოაწერეს.

მანამდე, ევროპის საბჭოს მინისტრთა კომიტეტმა ბერსეს აღნიშნულ შეთანხმებაზე ხელის მოწერის უფლებამოსილება მიანიჭა.

24 ივნისს უკრაინის პრემიერმინისტრის მოადგილემ, ოლგა სტეფანიშინამ აღნიშნა, რომ სპეციალურ ტრიბუნალს იურისდიქცია რუსეთის პრეზიდენტის, პრემიერმინისტრის, საგარეო საქმეთა მინისტრი და სხვა მაღალჩინოსნების მიმართაც ექნება. სტეფანიშინას თქმით, ტრიბუნალი შეეხება აგრესიის დანაშაულის ყველა ასპექტს, მათ შორის დაგეგმვას, მომზადებას, ინიცირებას და შესრულებას. 

ავტორი: ექსპრესნიუსი,

სოციალური ქსელები

მთავრობის ადმინისტრაცია ილია მეორის დაკრძალვის ხარჯებზე - სარეზერვო ფონდიდან 3 მილიონი გამოიყო, შემდეგ კი ეს თანხა 722 645 ლარამდე დაკორექტირდა და 2 277 355 ლარი ბიუჯეტში დაბრუნდა

რუსეთმა სამხედრო ბიუჯეტის დასაფინანსებლად 1998 წლის შემდეგ ყველაზე დიდი ოქროს მარაგის გაყიდვა განახორციელა.

საფრანგეთში არეულობის შედეგად მიყენებულმა ზარალმა 1 მილიარდ ევროს გადააჭარბა

WSJ: ილონ მასკმა უკრაინელი სამხედროებისთვის Starlink-ის შენელების ბრძანება გასცა