2023-08-18 17:29:23, 559 ნახვა
მსოფლიო
ტენერიფედან ტყის ხანძრის გამო 3 000-ზე მეტი ადამიანის ევაკუაცია განხორციელდა
ესპანეთის კუნძულ ტენერიფედან ტყის ხანძრის გამო 3 000-ზე მეტი ადამიანის ევაკუაცია განხორციელდა. აღნიშნულ ინფორმაციას CNN რეგიონის ხელისუფლებაზე დაყრდნობით ავრცელებს.
როგორც რეგიონის ხელმძღვანელმა, ფერნანდო კლავიომ განაცხადა, ხანძარი უკონტროლოა. მან არ გამორიცხა, რომ მოხდეს კიდევ უფრო მეტი ადამიანის ევაკუაცია.
”ეს არის, ალბათ, ყველაზე რთული ხანძარი, რაც ჩვენ გვქონდა კანარის კუნძულებზე ბოლო 40 წლის განმავლობაში",- უთხრა კლავიომ ჟურნალისტებს პრესკონფერენციაზე.
ამ დროისთვის, ხანძარის შედეგად დამწვარია, დაახლოებით, 2 600 ჰექტარი ტერიტორია.
ავტორი: ექსპრესნიუსი,
epn.ge (@expressnews.ge)
