რუსეთის ფედერაციაში შემავალ დაღესტნის რესპუბლიკის დედაქალაქ მაჰაჩყალაში, ბენზინგასამართ სადგურზე აფეთქება მოხდა, რასაც 27 ადამიანის სიცოცხლე ემსხვერპლა. აღნიშნულ ინფორმაციას რუსული სამთავრობო გამოცემა "რია ნოვოსტი" დაღესტნის ოფიციალურ პირებზე დაყრდნობით ავრცელებს.

გამოცემის ცნობით, დაღუპულთა შორის 3 ბავშვია. 

შემთხვევის შედეგად დაშავებულთა რიცხვი 70-ს აჭარბებს. სამედიცინო დაწესებულებაში გადაყვანილია 65 ადამიანი, მათ შორის არის 11 ბავშვი.

როგორც "რია ნოვოსტი" წერს, აფეთქების შედეგად დაშავებულებს, საგანგებო სიტუაციების სამსახურის სპეციალური თვითმფრინავით, მოსკოვის საავადმყოფოებში გადაიყვანენ. დაჭრილების სამედიცინო დახმარების ორგანიზებისთვის კი, დაღესტანში რუსეთის ჯანდაცვის მინისტრის პირველი მოადგილე ვიქტორ ფისენკო ჩაფრინდა.

აფეთქების შედეგად ცეცხლი 500 კვადრატულ მეტრზე იყო გავრცელებული. ამ დროისთვის ხანძარი ლიკვიდირებულია. 

მომხდართან დაკავშირებით დაწყებულია გამოძიება. დაღესტანში 15 აგვისტო გლოვის დღედ გამოცხადდა.

ავტორი: ექსპრესნიუსი,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა